Ուսուցում և որակավորում

ՈՒՍՈՒՄՆԱԿԱՆ ԿԵՆՏՐՈՆ

Ուսումնական կենտրոնի (այսուհետև` կենտրոն) ունկնդիր կարող են դառնալ կազմակերպությունների ղեկավարները, մենեջերները, պետական և ոչ պետական բուհերի դասախոսները և ուսանողները, նախարարությունների և գերատեսչությունների պաշտոնյաները, մասնագետները, գործարարները և այլոք։

Կենտրոնը ձգտում է ունկնդիրների հետ երկարատև և փոխշահավետ համագործակցության։

Կենտրոնի գործունեության արդյունավետության գրավականն է` արդիական ինտերակտիվ մեթոդներով և միջոցներով ուսուցումը` խնդրո առարկային վերաբերող նորամուծությունների և նորույթների ներկայացմամբ։

1. ԿԵՆՏՐՈՆՆ ԻՐԱԿԱՆԱՑՆՈՒՄ Է.

Թրեյնինգ - ուսուցում, վերապատրաստում, փորձագետների որակավորում` ընդհանուր և մասնագիտական դասընթացների, սեմինարների միջոցով ստանդարտացման, համապատասխանության գնահատման, չափումների միասնականության ապահովման, կառավարման համակարգերի ոլորտներում։

Փորձագետների որակավորումն իրականացվում է ՀՀ էկոնոմիկայի նախարարի հրամանով հաստատված ընթացակարգի համաձայն :

Կենտրոնի ծրագրային դրույթները համահունչ են Առևտրի համաշխարհային կազմակերպության (WTO), Եվրոպական համագործակցության խորհրդի (EEC), Առողջապահության համաշխարհային կազմակերպության (WHO), Պարենամթերքի և գյուղատնտեսության կազմակերպության (FAO) Կոդեքս Ալիմենթարիուս Հանձնաժողովի (Codex Alimentarius Commission) ամրագրած սկզբունքներին։

Բազմակողմանի և խորությամբ ներկայացվում են աշխարհում ընդունված ու ճանաչման արժանացած ISO 9001, ISO 14001, HACCP, ISO 22000, GMP, GLP, GHP,OHSAS 18001 միջազգային ստանդարտներին համապատասխան մենեջմենթի համակարգերը։

* Թրեյնինգի տևողությունն է` 3 - 10 օր։

* Թրեյնինգի վարձը կախված է ուսուցման տևողությունից և փուլից։

* Թրեյնինգը հիմնվում է նորագույն տեխնոլոգիաների վրա և անցկացվում է ինտերակտիվ մեթոդներով։

* Թրեյնինգի ձևերն են. դասախոսություններ, գործնական խաղեր, ուղեղային գրոհներ, իրավիճակների վերլուծություններ, թեսթեր, առաջադրանքներ, վարժություններ, քննարկումներ, հանձնարարականներ, ինքնուրույն և անհատական աշխատանքներ, ինքնագնահատման մոդելներ, դերախաղեր և այլն։

* Ունկնդիրներին տրամադրվում են մատուցվող թեման հիմնավորող ամփոփ փաթեթի տեսքով նորմատիվ փաստաթղթեր, գծապատկերներ, աղյուսակներ, տեղեկատվական թերթիկներ և այլ նյութեր։

* Թրեյնինգն ավարտվում է ունկնդիրների ձեռք բերած գիտելիքների գնահատմամբ, որն իրականացվում է գործնական քննարկումների և առաջադրանքների, գործնական խաղերի սցենարների, թեսթերի միջոցով։

Գնահատման փուլը հաղթահարած ունկնդիրներին տրվում են վկայականներ (սերտիֆիկատներ) 3 տարի գործողության ժամկետով։

2. ԿԵՆՏՐՈՆԸ ԿԱԶՄԱԿԵՐՊՈՒՄ Է ԿԼՈՐ ՍԵՂԱՆՆԵՐ, ՍԵՄԻՆԱՐՆԵՐ, ԳՈՐԾՆԱԿԱՆ ՔՆՆԱՐԿՈՒՄՆԵՐ, ՍԵՄԻՆԱՐ - ՏԵՂԵԿԱՏՎՈՒԹՅՈՒՆ, ՀԱՆԴԻՊՈՒՄՆԵՐ

Կենտրոնն աջակցում է բուհերի ուսանողների նախադիպլոմային և արտադրական պրակտիկաների պատշաճ մակարդակով կատարմանը։

Կենտրոնն իրականացնում է լավագույն ունկնդիրների ընտրություն և մրցույթ` Ստանդարտների ազգային ինստիտուտում աշխատանք առաջարկելու նպատակով։

Կենտրոնի գործունեության արդյունավետության և թրեյներների ռեյտինգային գնահատման նպատակով անցկացվում են ունկնդիրների պարտադիր հարցումներ և դրանց արդյունքների վերլուծություններ։