Ստանդարտների ազգային ինստիտուտը, "Հայասի գրուպ" և "Փ.Աբաջան" ՍՊԸ ընկերությունների հետ 2011թ. հուլիսի 15-ին Ուկրաինայի Կիև քաղաքում մասնակցեց "Թոփ Թեն Ավարդ" (Top Ten Award) միջազգային մրցանակաբաշխությանը և արժանացավ ոսկե մրցանակի: Այդ մրցանակաբաշխությունը յուրաքանչյուր տարի տեղի է ունենում նախորոք ընտրված որևէ երկրում և նպատակ ունի խթանել աշխատանքների, ծառայությունների և արտադրանքի որակը: Համաշխարհային ճանաչում ունեցող այդ մրցանակաբաշխությունը հիմնադրվել է 2002թ.-ին, որի առաքելությունն է բացահայտել որակի վերահսկման ճշգրիտ մեխանիզմներ ունեցող լավագույն բիզնես ոլորտները, որոնք գերակայում են շուկայում: Մրցանակաբաշխությունը ունի սահմանված չորս մրցանակ` ոսկե, արծաթե, բրոնզե և արժևորման նամակ:

Մրցանակների արժանացող ընկերությունների ղեկավարները պետք է օժտված լինեն հանրային կարծիք ձևավորելու ունակությամբ, հատկապես կարևորելով ծառայությունների և արտադրանքի որակը, քանի որ նրանք քաջ գիտակցում են, որ հաջողության գրավականը հաճախորդն է:

Կիևում տեղի ունեցած մրցանակաբաշխությանը այս տարի մասնակցեցին 35 երկրներից ներկայացված մոտ 100 կազմակերպություններ: Մրցանակաբաշխության համար որպես որակավորման պահանջ էր ընտրված մասնակից կազմակերպությունների գործունեության համապատասխանությունը ԻՍՕ 10001:2007 "Որակի կառավարում. Հաճախորդի բավարարվածություն. Կազմակերպության վարքագծի կանոնակարգի ուղեցույց" ստանդարտի պահանջներին: "Թոփ Թեն Ավարդ" մրցանակաբաշխության փորձագետի կողմից Ստանդարտների ազգային ինստիտուտում իրականացվեց նշված ստանդարտի պահանջների կատարման աուդիտը, որի արդյունքում Ինստիտուտը արժանացավ ամենաբարձր գնահատականի: Նշվածը պայմանավորեց Ինստիտուտին ոսկե մրցանակի շնորհումը:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր