ՀՀ էկոնոմիկայի նախարարության պատվիրակությունը, որի կազմում ընդգրկված էին նախարարության որակի ենթակառուցվածքի վարչության պետ Լ.Մաքսուդյանը, Եվրամիության հետ համագործակցության վարչության պետ Ա.Մայսուրյանը, Շուկայի վերահսկողության պետական տեսչության պետ Լ.Խալիկյանը և Ստանդարտների ազգային ինստիտուտի փոխտնօրեն Գ.Նազարյանը, Եվրոպական Հանձնաժողովի հրավերքով 2012թ. հունիսի 27-29 մասնակցեց Սթոքհոլմում կազմակերպված «Տեխնիկական կանոնակարգման և ստանդարտացման վերաբերյալ» 6-րդ Առևտրային խորհրդաժողովին (Trade Panel). Այդ Խորհրդաժողովին մասնակցում էին նաև Վրաստանի, Ադրբեջանի, Բելարուսի, Ուկրաինայի և Մոլդովայի պատվիրակությունները:

Խորհրդաժողովի առաջին մասը նվիրված էր տեխնիկական կանոնակարգման և ստանդարտացման ոլորտների Եվրոպական պահանջների ու փորձի մեկնաբանման, որի շուրջ ելույթ ունեցան Եվրահանձնաժողովի ճանաչված փորձագետները, այդ թվում` ԻՍՕ-ի փոխնագահ Էլիզաբեթ Սթամփֆլ-Բլահան:

Խորհրդաժողովի երկրորդ մասը նվիրված է ԵՄ հետ Խորը և Համապարփակ Ազատ Առևտրի Համաձայնագրի (ԽՀԱԱՀ) ստորագրման բանակցություններ վարող ԱՊՀ երկրների առկա ենթակառուցվածքների ներկայացմանը: Խորհրդաժողովի ընթացքում յուրաքանչյուր երկիր առանձին զեկուցեց ԽՀԱԱՀ ուղղությամբ ձեռնարկված և իրականացված բարեփոխումների ընթացքի վերաբերյալ:

Հայաստանի պատվիրակությունից զեկույցով հանդես եկավ որակի ենթակառուցվածքի վարչության պետ տիկին Լ.Մաքսուդյանը, ով մանրամասն ներկայացրեց վերջին օրենսդրական բարեփոխումները, տեխնիկական կանոնակարգման ոլորտի խնդիրները և ձեռնարկված միջոցառումներ, ստանդարտացման արդի վիճակը և զարգացման հեռանկարները:

Ընդհանուր առմամբ, Խորհրդաժողովն ընթացավ բարիդրացիական մթնոլորտում և շատ օգտակար էր այլ երկրներում տեղի ունեցող գործընթացների և զարգացման ընկալման, ինչպես նաև մասնագիտական քննարկումների առումով: Մասնավորապես, Ստանդարտների ազգային ինստիտուտի փոխտնօրեն Գ.Նազարյանը առանձնակի քննարկումներ ունեցավ Բելառուսի ստանդարտացման ինստիտուտի տնօրեն Վ.Հուրևիչի և Ուկրաինայի նախագահի ստանդարտացման ու տեխնիկական կանոնակարգման գծով խորհրդական Լ.Վիտկինի հետ, որոնք օգտակար էին բարեփոխումների հետ կապված փորձի փոխանակման համար:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր