Փետրվարի 28-ին և մարտի 1-ին ՀՀ էկոնոմիկայի, ՀՀ առողջապահության, ՀՀ գյուղատնտեսության նախարարությունների կողմից և եվրոպական հանձնաժողովի "TAIEX" կազմակերպու­թյան աջակցությամբ Երևան քաղաքի "Գոլդեն Թյուլիպ" հյուրանոցում կազմակերպվել էր սննդամթերքի անվտանգության վերահսկողության համակարգերի վերաբերյալ սեմինար, որին մասնակցում էին Ստանդարտների ազգային ինստիտուտի ստանդարտաց­ման բաժնի գլխավոր մասնագետներ Սոֆիկ Խաչատրյանը և Նազիկ Աբգարյանը, ինչպես նաև ուսումնական կենտրոնի պետ Հայկուշ Բատիկյանը: Սեմինարին մասնակցում էին Ֆինլանդիայից, Իտալիայից, Հունաստանից, Բելգիայից և Բուլղարիայից ժամանած փորձագետներ, որոնք ներկայացրեցին իրենց պետություններում իրականացվող սննդամթերքի անվտանգության վերահսկողության գործընթացը: Սեմինարում  բացման խոսքով հանդես եկավ ՀՀ գյուղատնտեսության փոխնախարար Ս.Գալստյանը, որից հետո  Հայաստանի Հանրապետությունում սանիտարիայի և բուսասանիտարիայի ոլորտի իրավիճակը և առկա խնդիրները ներկայացրեց Սննդամթերքի անվտանգության պետական ծառայության ղեկավար Ա. Ղարիբյանը: Ֆինլանդիայի ներկայացուցիչը ներկայացրեց 178/2002/EC "Սննդամթերքին ներկայացվող օրենսդրական պահանջները և հետգծելիության հիմնական պահանջները` Սննդամթերքի օրենսդրության համապատասխան" դիրեկտիվի դրույթները, ինչպես նաև տեղեկատվություն ԵՄ-ում իրականացվող ռիսկերի վերլուծության և ռիսկերի գնահատման վերաբերյալ, իսկ Բելգիայի ներկայացուցիչը`     ԵՄ-ում սննդամթերքի անվտանգության ռիսկերի կառավարման ընթացակարգի և սննդամթերքի վերահսկողության պետական ծառայությունների ինտեգրման վերաբերյալ: Հունաստանի ներկայացուցիչը խոսեց ԵՄ-ում պետական վերահսկողությունների իրականացման վերաբերյալ օրենսդրության (882/2004 և 854/2004 դիրեկտիվների), վերահսկողության և աուդիտի գործառույթների, դրանց տարբերությունների և պատասխանատվությունների մասին:

Սեմինարի հաջորդ օրը հատկացված էր մասնակիցներին հետաքրքրող հարցերին և պատասխաններին` փորձի փոխանակումներով: 

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր