2021 թվականի հուլիսի 14-ին տեղի ունեցավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) հերթական՝ 59-րդ նիստը:

Նիստի օրակարգում ընդգրկված էր հաջորդ երկու տարիների համար խորհրդի նախագահի ընտրության հարցը: ՄՊԽ նախագահ ընտրվեց ՀՀ էկոնոմիկայի նախարարության <<Ստանդարտացման և չափագիտության ազգային մարմին>> ՓԲ ընկերության տնօրենի պաշտոնակատար Ալբերտ Բաբայանը:

Հայաստանի Հանրապետությունը ներկայացնում էին <<Ստանդարտացման և չափագիտության ազգային մարմին>> ՓԲ ընկերության տնօրենի պաշտոնակատար Ալբերտ Բաբայանը, տնօրենի առաջին տեղակալ Մեսրոպ Բզնունին, տնօրենի խորհրդական Հայկ Զեյնալյանը, գլխավոր չափագետ Կամո Մովսիսյանը և Ստանդարտացման և չափման միջոցների տեսակի հաստատման բաժնի պետ Թերեզա Բաբայանը:

Խորհրդի անդամները կարևորեցին ՄՊԽ մինչև 2030թ. զարգացման ռազմավարության իրականացման միջոցառումների պլանով նախատեսված գործողությունների կատարման ապահովումը՝ ըստ սահմանված ժամանակացույցի:

Նիստի ընթացքում քննարկվեց ՄՊԽ և ԻՍՕ միջև համագործակցության հեռանկարը, ներկայացվեց ԻՍՕ տարածաշրջանային ներգրավման քաղաքականությունը: Բարձրացվեց երկու կառույցների միջև հետագա համագործակցության զարգացման նպատակով համաձայնագիր կնքելու հարցը, որի դրույթները կքննարկվեն հաջորդ՝ Ստանդարտացման միջպետական գիտատեխնիկական հանձնաժողովի նիստին:

ՄՊԽ անդամ երկրների ստանդարտացման ազգային մարմինների ղեկավարները հավանություն տվեցին նոր ստանդարտացման <<Հալալ արտադրանք և ծառայություններ>> միջպետական տեխնիկական հանձնաժողովի ստեղծմանը: ՀՀ տնտեսության համար կարևորելով նշված հանձնաժողովի գործունեության շրջանակները՝ Հայաստանի Հանրապետությունը հանձնաժողովի աշխատանքներում կններգրավվի որպես լիիրավ անդամ:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

Ստանդարտների համաշխարհային օր

Ստանդարտացման, չափագիտության և սերտիֆիկացման միջպետական ​​խորհրդի Ստանդարտացման գիտատեխնիկական հանձնաժողովի 59-րդ նիստը

Պարզաբանում մաշկի խնամքի միջոցների վերաբերյալ. Հայաստանը սխալ չի գրանցել ալկոգելերը

Հայտարարություն մաշկի ախտահանող միջոցների վերաբերյալ