2020 թվականի հունիսի 18-ին վիդեոկոնֆերանսի ֆորմատով կայացավ Ստանդարտացման, չափագիտության և սերտիֆիկացման միջպետական ​​խորհրդի Ստանդարտացման գիտատեխնիկական հանձնաժողովի 59-րդ նիստը: Հանդիպմանը մասնակցում էին Հայաստանի, Բելառուսի, Ղազախստանի, Ղրղզստանի, Մոլդովայի, Տաջիկստանի Հանրապետությունների, Ռուսաստանի Դաշնության ազգային մարմինների, ինչպես նաև ԱՊՀ գործադիր կոմիտեի և Ստանդարտների բյուրոյի ներկայացուցիչները: 

Հեռավար հանդիպմանը Հայաստանի Հանրապետությունը ներկայացնում էին <<Ստանդարտացման և չափագիտության ազգային մարմին>> ՓԲ ընկերության տնօրենի առաջին տեղակալ Մեսրոպ Բզնունին, տնօրենի խորհրդական Հայկ Զեյնալյանը, Ստանդարտացման բաժնի պետ Թերեզա Բաբայանը, նույն բաժնի մասնագետներ Աննա Գրիգորյանը և Արուս Պողոսյանը:

Ստանդարտացման գիտատեխնիկական հանձնաժողովը դիտարկեց առաջարկությունները` Համաձայնագրի անդամ պետությունների ստանդարտացման ոլորտներում համաձայնեցված գիտատեխնիկական քաղաքականության անցկացման վերաբերյալ:

59-րդ նիստի քննարկման հիմնական թեման էր 2019-2021թթ. Միջպետական ​​ստանդարտացման ծրագրի 2020թ. աշխատանքների համապատասխան իրականացումը:

Վերանայվեց ստանդարտացման ոլորտում փոխըմբռնման Հուշագրի իրականացման ընթացքը` Ստանդարտացման եվրոպական կոմիտեի, Էլեկտրատեխնիկայի ստանդարտացման եվրոպական կոմիտեի, Հեռահաղորդակցության ոլորտում ստանդարտացման եվրոպական ինստիտուտի և Ստանդարտացման, չափագիտության և սերտիֆիկացման եվրասիական խորհրդի միջև:

Հանդիպման մասնակիցները քննարկեցին նաև միջպետական այն ​​ստանդարտների մշակման հարցը, որոնց շուրջ կային տարաձայնություններ: Մի շարք ստանդարտների մասով հաջողվեց ձեռք բերել համաձայնություն:

ՀՀ <<Ստանդարտացման և չափագիտության ազգային մարմին>> ՓԲ ընկերությունը հանդես էր եկել առաջարկով` ԳՕՍՏ 3858-73 <<Թթու կաղամբ: Տեխնիկական պայմաններ>> ստանդարտը չեղարկել այն դեպքում, երբ Մաքսային միության 021/2011  <<Սննդամթերքի անվտանգության ապահովման>> տեխնիկական կանոնակարգերով ապահովվող  ստանդարտների ցանկում կներառվի ԳՕՍՏ 34220-2017 <<Աղի և թթու բանջարեղեն: Ընդհանուր տեխնիկական պայմաններ>> ստանդարտը: Հանդիպման ընթացքում ՀՀ <<Ստանդարտացման և չափագիտության ազգային մարմին>> ՓԲ ընկերության առաջարկն ընդունվեց:

Նիստի ընթացքում հատուկ ուշադրության արժանացավ նաև Ստանդարտների բյուրոյի տեղեկատվությունը` ԳՕՍՏ 32945-2014 <<Ընդհանուր օգտագործման ավտոմոբիլային ճանապարհներ: Ճանապարհային նշաններ: Տեխնիկական պահանջներ>>  ստանդարտում փոփոխություններ կատարելու/վերանայելու և հայերեն այբուբենի մուտքագրման անհրաժեշտությունը: Որոշվեց, որ ՀՀ <<Ստանդարտացման և չափագիտության ազգային մարմին>> ՓԲ ընկերությունն ըստ սահմանված կարգի կկազմակերպի ԳՕՍՏ 32945-2014-ում համապատասխան փոփոխություններ կատարելու/վերանայելու աշխատանքների իրականացումը: 

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը