2012-07-11
ԻՍՕ Ինստիտուցիոնալ հզորացման ծրագրի (ԻՀԾ) երկրորդ փուլը

ԻՍՕ Ինստիտուցիոնալ հզորացման ծրագրի շրջանակներում 2012թ. հուլիսի 2-6 Հայաստանի Ստանդարտների ազգային ինստիտուտը (ՍԱՐՄ) հյուրընկալեց ԻՍՕ անկախ խորհրդատու Գրեհեմ Հոլլոուեյին: ԻՍՕ Ինստիտուցիոնալ հզորացման ծրագիրը մեկնարկել է 2011թ. ապրիլից` ԻՍՕ-ի 2011-2015թթ. զարգացող երկրների համար գործողությունների պլանի շրջանակներում և նպատակ ունի ուսումնասիրել և գնահատել շրագրին մասնակցող 18 զարգացող երկրների (այդ թվում` Հայաստանի) ստանդարտացման ազգային կազմակերպությունների ինստիտուցիոնալ զարգացման կարիքները, ինչպես նաև բացահայտված խնդիրների շուրջ տրամադրել հստակ նպատակաուղղված օժանդակություն:


Համաձայն 2011թ. հուլիսին ՍԱՐՄ-ում իրականացված գնահատման արդյունքների և առաջադրված հետագա քայլերի, սույն առաքելության ընթացքում ԻՍՕ-ի օժանդակությամբ և ֆինանսավորմամբ կազմակերպվեցին երկու սեմինարներ` հուլիսի 3-ին Երևանում և հուլիսի 4-ին Գյումրիում ստանդարտացման գործընթացներում ակտիվ ներգրավված շահագրգիռ կողմերի (ՍԱՐՄ տեխնիկական հանձնաժողովների անդամների) հետ, որոնց ընթացքում պարոն Հոլլոուեյը մանրամասն ներկայացրեց միջազգային ստանդարտացման գործընթացների առանձնահատկությունները, դրանցում տեղական շահագրգիռ կողմերի ներգրավման եղանակները և հնարավորությունները, ԱՀԿ-ի Լավագույն վարվելակերպի կանոնների կիրառությունը, ինչպես նաև ակտիվ քննարկումներ տեղի ունեցան ազգային ստանդարտացման խնդիրների շուրջ: Միևնույն ժամանակ, Ստանդարտների ազգային ինստիտուտի (ՍԱՐՄ) փոխտնօրեն Գ.Նազարյանը սեմինարների ընթացքում ներկայացրեց ՍԱՐՄ-ի վերջին երեք տարիների (2009-2012թթ.) գործունեությունը և ձեռքբերումները, ինչպես նաև մասնակիցների հետ քննարկեց ազգային ստանդարտացման առկա կարիքները և հետագա զարգացման հնարավորությունները:

Բացի շահագրգիռ կողմերի հետ հանդիպումներից, ԻՍՕ փորձագետ պարոն Գ.Հոլոուեյը հուլիսի 2-ին և հուլիսի 4-ին ուսուցողա-խորհրդատվական աշխատանքներ իրականացրեց ՍԱՐՄ-ի ստանդարտացման աշխատանքներում ներգրավված ողջ անձնակազմի հետ: Մասնավորապես, ՍԱՐՄ-ի մասնագետներին ներկայացվեցին Առևտրի տեխնիկական խոչընդոտների (ԱՏԽ) և Սանիտարիայի ու ֆիտոսանիտարիայի (ՍՖՍ) միջազգային համաձայնագրերից բխող պահանջների հստակ մեկնաբանությունները և դրանց առանձնահատկությունները, միջազգային ստանդարտացմանն առավել ակտիվ դերակատարում ունենալու եղանակները, ինչպես նաև հիմնադրույթային ստանդարտների մշակման միջազգային լավագույն փորձը: Պայմանավորվածություն ձեռք բերվեց մինչև սույն տարվա ավարտը կազմակերպել փորձագետի երրորդ այցելությունը, որի ընթացքում մանրամասն խորհրդատվություն կմատուցվի Հայաստանի ազգային հիմնադրույթային ստանդարտների վերանայման ու միջազգային չափանիշներին համապատասխանեցման վերաբերյալ: Բացի այդ, հաջորդ այցելության շրջանակներում առանձին աշխատանքային քննարկում կկազմակերպվի ՍԱՐՄ-ի ՏՀ-ների նախագահների ու քարտուղարների հետ` նրանց մասնագիտական ունակությունների կատարելագործման նպատակով:


Այցելության վերջում ԻՍՕ փորձագետ Գ.Հոլոուեյը ամփոփիչ հանդիպում ունեցավ Ստանդարտների ազգային ինստիտուտի տնօրեն Ե.Ազարյանի հետ, որի ընթացքում փորձագետը ներկայացվեց կատարված աշխատանքների արդյունքները, ինչպես նաև մեծ գոհունակություն հայտնեց Հայաստանի ստանդարտացման ոլորտի վերջին զարգացումների, նոր օրենսդրության, ստանդարտացման գործընթացների ակտիվացման և ինստիտուցիոնալ արդյունավետ կառուցվածքի վերաբերյալ: Ե.Ազարյանը շնորհակալություն հայտնեց ԻՍՕ-ի տեխնիկական և ինստիտուցիոնալ ողջ աջակցության, ինչպես նաև ՍԱՐՄ-ի համար խիստ կարևոր ու օգտակար ծրագրի իրականացման համար, ինչպես նաև արտահայտեց ԻՍՕ-ի հետ հետագայում ևս ակտիվորեն համագործակցելու ՍԱՐՄ-ի պատրաստակամությունը:
Այլ Նորություններ
2021-10-14
                 Հոկտեմբերի 14-ին նշվում է Ստանդարտների համաշխարհային օրը
2021-09-25

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը


2021-09-25

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

2021-09-25

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը


2020-10-14

Ստանդարտների համաշխարհային օր


Նորություններ
2022-03-15  Ստանդարտացման միջպետական խորհրդի 30-ամյա գործունեության առթիվ շնորհավորական ուղերձ
...
2021-12-10  ԱՊՀ Ստանդարտացման, չափագիտության և սերտիֆիկացման միջպետական խորհրդի 60-րդ նիստը անցկացվեց Երևանում
...
2021-11-25  VI-1 ձևի Սերտիֆիկատների տրամադրման վերաբերյալ դասընթաց
...
2021-11-25  ՀՀ համալսարանների համար կազմակերպվել է հեռավար, անվճար միջազգային սեմինար
...
2021-11-11  «Էներգետիկա» ստանդարտացման տեխնիկական ենթահանձնաժողովի ԵՀ 04 հերթական նիստ
...
2021-10-14  Ստանդարտների համաշխարհային օրը
                 Հոկտեմբերի 14-ին նշվում է Ստանդարտների համաշխարհային օրը...
2021-09-25  Կայացավ ՄՊԽ նախագահի և ՄՊԽ բյուրոյի պատասխանատու քարտուղարի առցանց հանդիպումը
Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյ...
2021-09-25  ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ <<ՀՀ էկոնոմիկայի նախարարություն>>, <<Ստանդարտացման և չափագ...
2021-09-25  ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ա. Բաբայանը
ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայ...
2020-10-14  Ստանդարտների համաշխարհային օր
Ստանդարտների համաշխարհային օր...