Ստանդարտների ազգային ինստիտուտի պատվիրակությունը` տնօրեն Ե.Ազարյանի գլխավորությամբ 2012 թվականի սեպտեմբերի 17-18 մասնակցեց ԱՄՆ Սան Դիեգո քաղաքում տեղի ունեցած ԻՍՕ-ի Զարգացող երկրների հարցերով մշտական կոմիտեի (ԴԵՎԿՕ) 46-րդ պլենար նիստին:

Այս տարվա նիստը կազմակերպվել էր առավել նորարարական ոճով և պարունակում էր խմբային ու միջանկյալ քննարկման սեսիաներ, որոնք նվիրված էին զարգացող երկնրներին առնչվող մի շարք կարևոր խնդիրներին:

Նիստի առաջին օրը առանձին ելույթով հանդես եկավ ԻՍՕ գլխավոր քարտուղար պարոն Ռոբ Սթիլը, որի զեկույցը նվիրված էր միջազգային ստանդարտացման գործընթացում զարգացող երկնրների դերակատարման բարձրացմանը և առավել ակտիվ մասնակցությանը: ԻՍՕ-ն ներկայումս խնդիր է դրել իր առջև աջակցել զարգացող երկրների ստանդարտացման մարմիններին այնպես, որ նրանք փոխեն իրենց ներկայիս "ստանդարտ յուրացնող" կարգավիճակը "ստանդարտ մշակողի" կարգավիճակի: Այդ խնդրի հաղթահարումը դյուրին չէ, քանի որ նախ առկա է լեզվական բարդույթը և հաճախ հնարավոր չի լինում զարգացող երկրներում գտնել անգլերեն լեզվի լավ իմացությամբ համապատասխան մասնագետի, որը կմասնակցի ԻՍՕ տեխնիկական համապատասխան հանձնաժողովի նիստերին: Երկրորդը, ֆինանսավորման հնարավորության խնդիրն է, որի մասամբ հաղթահարման նպատակով ԻՍՕ-ն պատրաստակամ է տեխնիկական օժանդակության շրջանակներում ֆինանսավորել համապատասխան զարգացող երկրներից տարեկան երկու այցելություն: Մյուս կարևոր խնդիրն էլ այն է, որ զարգացող երկրներում ԻՍՕ ՏՀ նիստերին մասնակցությունը հաճախ դիտվում է ոչ թե որպես մասնագիտական գործունեություն, այլ որպես տուրիստական զբոսաշրջության հնարավորություն, ինչը պետք է բացառվի:

ԴԵՎԿՕ 46-րդ նիստի երկրորդ օրը տեղի ունեցան երեք զուգահեռ խմբային քննարկումներ, իսկ ավելի ուշ այդ քննարկումների արդյունքներն ամփոփվեցին ընդհանուր (պանելային) քննարկմամբ: Խմբային քննարկումները նվիրված էին հետևյալ երեք թեմաներին`

Խումբ 1. Զարգացող երկրների Ստանդարտացման ազգային մարմինների հզորացումը` Կառավարման կառուցվածքի և շուկային համապատասխանության բարելավում

Խումբ 2. Ճանապարհային երթևեկության անվտանգության կառավարում` ԻՍՕ ստանդարտների օգտագործումն անվտանգության բարելավման համար. զարգացող երկների փորձը

Խումբ 3. Ի՞նչ քայլեր պետք է ձեռնարկեն զարգացող երկրները իրենց կարիքների գերակայությունների որոշման և ներկա կամ ապագա տեխնիկական աշխատանքներում իրենց դերակատարման բարձրացման համար. Ինչպե՞ս կարող է աջակցել ԻՍՕ-ն:

Առաջին խմբում որպես համազեկուցող էր հրավիրված Ստանդարտների ազգային ինստիտուտի փոխտնօրեն Գ.Նազարյանը, ով իր զեկույցում ներկայացրեց Հայաստանի փորձը, ձեռքբերումները և առկա խնդիրները: Զեկույցը բարձր գնահատականի արժանացավ քննարկման մասնակիցների կողմից և հիմք ծառայեց ԻՍՕ տեխնիկական օժանադակության բարելավման մի շարք առաջարկությունների ներկայացման համար:

Խմբային քննարկման արդյունքում, ի վերջո, առանձնացվեցին ինստիտուցիոնալ զարգացմանն առնչվող հետևյալ խնդիրները.

•      ստանդարտ մշակողների և կարգավորողների դերերի հստակեցման անհրաժեշտությունը,
•        Շահագրգիռ կողմերի ներգրավումը` ինչպե՞ս խրախուսել նրանց մասնակցել,
•         Մինչև ԻՍՕ Ինստիտուցիոնալ հզորացման ծրագրի արմատական փոփոխությունը` հաշվի առնել հիմունքները,
•        ԻՍՕ Ինստիտուցիոնալ հզորացման ծրագիրը կարող է տարածվել թույլ զարգացած երկրների վրա, սակայն ոչ բոլորի,
•         Հաջողության ընկալման անհրաժեշտություն` չկա մեկ լուծում բոլոր Ստանդարտացման ազգային մարմինների համար

ԴԵՎԿՕ նիստի ժամանակ կազմակերպվեց նաև որոշակի հարցերի շուրջ մասնակիցների հարցման անցկացումը, որը բավականին հետաքրքիր արդյունքներ արձանագրեց: Այսպես, այն հարցին, թե շահագրգիռ կողմերի ո՞ր խումբն է հատկապես կարևոր ՍԱՄ գործունեության արդյունավետության գնահատման համար, մասնակիցների 57% պատասխանեց "Արդյունաբերությունը", 23%` "Պետական կառավարման մարմինները", 14%` "Սպառողները", մնացած 6%` այլ: Մյուս կարևոր հարցն այն էր, թե արդյոք իմաստ ունի, որ ՍԱՄ գնահատեն իրենց գործունեությունը հաստատված լավագույն փորձի չափանիշների հանդեպ, որին մասնակիցների քվեարկության արդյունքներով դրական պատասխան տվեց քվեարկողների 91%, 3%` "Ոչ", իսկ 7%` "Չգիտեմ": Այս հարցումը թեև պաշտոնական բնույթ չէր կրում, սակայն պատասխաններն ակնհայտորեն մատնանշում են զարգացող երկրների կողմնորոշումը քննարկված խնդիրների շուրջ:

Վերջում, ԴԵՎԿՕ պլենար նիստում հաստատվեցին երկօրյա քննարկումների արդյունքներով կազմված որոշումները (ռեզոլյուցիաները):

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր