2011թ. մարտի 29-ից 31-ը Ուկրաինայի մայրաքաղաք Կիևում կայացավ "Կենսացիկլի գնահատումը և ISO 14040 ստանդարտը" թեմայով տարածաշրջանային սեմինար, որին Հայաստանից մասնակցեցին Ստանդարտների ազգային ինստիտուտի տարածքային ստորաբաժանումների գործունեությունը համակարգող ծառայության պետ Էդուարդ Ազարյանը և ՀՀ բնապահպանության նախարարության աշխատակից  Էրիկ Գրիգորյանը:

Սեմինարը հանդիսանում էր զարգացող երկրների գործողությունների ծրագրով նախատեսված շարքից հերթականը և կազմակերպվել էր Ստանդարտացման Միջազգային Կազմակերպության (ԻՍՕ) և Ուկրաինայի տեխնիկական կարգավորման և սպառողների քաղաքականության պետական կոմիտեի կողմից` Շվեդիայի տնտեսական հարցերի պետական քարտուղարության ֆինանսավորմամբ:

Սեմինարին մասնակցում էին տարածաշրջանային երկրներից ժամանած շուրջ երեք տասնյակ մասնագետներ: Սեմինարի ընթացքում Շվեդիայից հրավիրված դասախոս Ռաուլ Կարլսենի կողմից ներկայացվեցին «Կյանքի ցիկլի գնահատման ISO 14040» ստանդարտի էությունը, սկզբունքները, նպատակները: Առանձին անդրադարձ եղավ նաև ISO/TS 14048 "Կենսացիկլի գնահատում. Տվյալների փաստաթղթավորման ձևաչափ", ինչպես նաև ISO 14064-1 և ISO 14064-2 ջերմոցային գազերի վերաբերյալ ստանդարտներին:

Սեմինարի ընթացքում մասնակիցները բաժանվեցին աշխատանքային խմբերի և պրակտիկ օրինակի վրա իրականացրեցին կյանքի ցիկլի գնահատում` հիմնված գնահատման, կառավարման և պատասխանատվության վրա:

Սեմինարի ավարտին Ռաուլ Կարլսենի կողմից ներկայացվեց ISO Ուղեցույց 64 «Արտադրանքին առնչվող ստանդարտներում բնապահպանական խնդիրների դիտարկման ուղեցույց» ստանդարտի էությունը:

Ներկայացված բոլոր ստանդարտները դեռևս գործածության մեջ չեն դրվել Հայաստանի Հանրապետությունում: Այս առումով, խիստ կարևորվում է դրանց հետագա քննարկումը և ընդունումը ազգային ստանդարտի կարգավիճակով:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր