Շրջակա միջավայրի կառավարման համակարգ հասկացությունը առաջին անգամ հստակ սահմանվեց և բացատրվեց բրիտանական BS 7750 ստանդարտում (Environmental Management Systems) 1992թ.-ին: Հատկանշական է, որ այդ չափանիշը առաջացավ ոչ թե որպես պետության գործունեության արդյունք, այլ անգլիական արդյունաբերողների նախաձեռնությամբ, որոնք բախվել էին բնապահպանական խստացված օրենսդրությանը և ադեկվատ կառավարչական վճիռների կիրառման անհրաժեշտությանը:

ԻՍՕ 14001-ին համապատասխան, շրջակա միջավայրի կառավարման համակարգն ընդհանուր մենեջմենթի մասն է, որը ներառում է կազմակերպչական կառուցվածքը, գործունեության պլանավորումը, պատասխանատվությունների բաշխումը, գործնական աշխատանքը, ինչպես նաև նվաճված արդյունքների մշակման, ներդնման և գնահատման գործողությունները, գործընթացներն ու ռեսուրսները, խնդիրների, նպատակների և էկոլոգիական քաղաքականության իրականացումն ու կատարելագործումը:

Սեմինարին ներկա էին տարբեր, այդ թվում` խոշոր աղտոտող կազմակերպություններ ներկայացնող 40-ից ավելի մասնակից: Եռօրյա սեմինարի ընթացքում ԻՍՕ-ի փորձագետը հայկական կազմակերպություններին ներկայացրեց շրջակա միջավայրի կառավարման համակարգի "ԻՍՕ 14001" ստանդարտը: Կոնկրետ օրինակների վրա մասնակիցները փորձում էին գտնել խնդիրների լուծումներ: Օրինակ՝ յուրաքանչյուր խմբի հանձնարարվել էր մշակել էկոլոգիական քաղաքականություն, որը կհամապատասխաներ միջազգային ստանդարտին եւ էկոլոգիական անվտանգության պահանջներին: Գործնական առաջադրանքները մասնակիցներին օգնում էին հասկանալ խնդիրները եւ լուծումներ առաջարկել:

"ISO"-ի փորձագետ Անվար Էլ-Տավիլը ստանդարտացման ոլորտում ունեցած իր փորձը մեծ հաճույքով էր փոխանցում հայ մասնագետներին` հույս ուենալով, որ համաժողովը կտա ցանկալի արդյունք: 

"Ես գոհ եմ համաժողովի արդյունքներից: Բայց հույս ունեմ, որ այս հարցում կլինի նաև Ձեր կառավարության աջակցությունը",- ասաց Անվար Էլ-Տավիլը։

Սեմինարի ընթացքում ևս մեկ անգամ հաստատվեց, որ էկոլոգիական կառավարումը բարելավելու խնդիրը պահանջում է թափանցիկության և քաղաքականությունում առանցքային որոշումներ ընդունելու հարցերում հանրության մասնակցության մակարդակի բարձրացում, ինչպես նաև առկա էկոլոգիական օրենքների արդյունավետ իրականացում ու կիրառում: 

Եկեք գիտակցենք պահի լրջությունը, վճռական ու հետևողական լինենք մեր պայքարներում, համգործակցենք ու վստահենք միմյանց. հանուն բնության, հանուն մեր և եկող սերունդների առողջ ապագայի:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր