ԻՍՕ-ի վեհաժողովներին ներկայացված լինելը, բացի տեխնիկական բնույթի խնդիրների քննարկումից, համագործակցության վերաբերյալ համաձայնագրերի և ճանաչման ձեռքբերման լավագույն հնարավորություններից է: ԻՍՕ-ի անդամները մեծամասամբ բաց չեն թողնում այս հնարավորությունը որպեսզի շփվեն միմյանց հետ, ձեռքբերեն նոր պայմանավորվածություններ և հիմք դնեն համագործակցության նոր ձևերին:

Մասնավորապես, Հայաստանի պատվիրակությունը առանձնակի հանդիպումնե րունեցավ ԻՍՕ-ի գլխավոր քարտուղար պրն. Ռոբ Սթիլի, ԴԵՎԿՕ-ի գլխավոր քարտուղար պրն Բիեր Բուդուի, Ֆրանսիայի, Ավստրիայի, Իսպանիայի, Գերմանիայի, Մեծ Բրիտանիայի, Կանադայի, ԱՄՆ-ի, Լեհաստանի, Լիտվայի, Բոսնիա-Հերցեգովինայի, Մակեդոնիայի, Սաուդյան Արաբիայի, Իրանի, Ռուսաստանի Դաշնության, Բելարուսի, Ուկրաինայի, Ղազախստանի, Ուզբեկստանիև մի շարք այլ երկրների պատվիրակությունների հետ: Այդ առանձնազրույցների և քննարկումների արդյունքում, մասնավորապես, տեղի ունեցավ փորձի փոխանակում և քննարկվեցին համագործակցության հնարավորությունները:

Հայաստանի պատվիրակությունը 2013թ. սեպտեմբերի 17-ին մասնակցեց ԱՊՀ երկրների և ՍԵՆ-ՍԵՆԵԼԵԿ-ի պատվիրակությունների հանդիպմանը, որի ընթացքում ՌԴ և ՍԵՆ-ի միջև կնքվեց ստանդարտացման ոլորտում համագործակցության համաձայնագիր: Այդ համաձայնագրով, մասնավորապես նախատեսվում է դյուրինացնել ու փոխշահավետ դարձնել ԳՕՍՏ և ԵՆ ստանդարտների փոխանակումը և կիրառումը Եվրամիության և ԱՊՀ տարածաշրջաններում: Հանդիպման ընթացքում քննարկվեցին ՍԵՆ-ի և ԱՊՀ Ստանդարտացման, Չափագիտության և Սերտիֆիկացման Միջպետական Խորհրդի միջև ստորագրված համագործակցության համաձայնագրի շրջանակներում գործողությունների հստակ ծրագրի սահմանման հնարավորությունները: Քննարկվեց Եվրոպական և ԱՊՀ տեխնիկական կանոնակարգման մոտեցումների ներդաշնակեցման խնդիրը:

Վեհաժողովի ընթացքում, 2013թ. սեպտեմբերի 20-ին Բոսնիա և Հերցեգովինայի Ստանդարտացման ինստիտուտի (BAS) գլխավոր տնօրեն պարոն Ալեքսանդր Սինկարը և Հայաստանի Ստանդարտների ազգային ինստիտուտի (ՍԱՐՄ) տնօրեն պարոն Ենոք Ազարյանը կնքեցին երկու ինստիտուտների միջև համագործակցության համաձայնագիր:

Նույն օրը համաձայնագիր կնքվեց Ստանդարտների ազգային ինստիտուտի (ՍԱՐՄ) և Պարսից Ծոցի Համագործակցության Խորհրդի Ստանդարտացման կազմակերպության (GSO) միջև, որը ստորագրեցիn տնօրեն պարոն Ենոք Ազարյանը և GSO գլխավոր քարտուղար պարոն Նաբիլ Մոլլան:

Կնքված համաձայնագրերն էլ ավելի են ընդլայնում ՍԱՐՄ-ի համագործակցության աշխարհագրությունը և առավել դյուրին ու արդյունավետ են դարձնում ազգային ստանդարտացման աշխատանքները: Միաժամանակ, կնքված համաձայնագրերի շրջանակներում հնարավորություն է ստեղծվում աջակցել տեղական արտադրողներին` արտաքին շուկաներում առևտրային գործարքների իրականացման խթանման համար:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր