ԻՍՕ-ի վեհաժողովներին ներկայացված լինելը, բացի տեխնիկական բնույթի խնդիրների քննարկումից, համագործակցության վերաբերյալ համաձայնագրերի և ճանաչման ձեռք բերման լավագույն հնարավորություններից է: ԻՍՕ-ի անդամները մեծամասամբ բաց չեն թողնում այս հնարավորությունը որպեսզի շփվեն միմյանց հետ, ձեռք բերեն նոր պայմանավորվածություններ և հիմք դնեն համագործակցության նոր ձևերին:

Մասնավորապես, Հայաստանի պատվիրակությունը առանձնակի հանդիպումներ ունեցավ ԻՍՕ-ի նախագահ պրն. Բորիս Ալյոշինի, ԻՍՕ-ի գլխավոր քարտուղար պրն. Ռոբ Սթիլի, ԴԵՎԿՕ-ի գլխավոր քարտուղար պրն Բիեր Բուդուի, Ֆրանսիայի, Ավստրիայի, Իսպանիայի, Գերմանիայի, Մեծ Բրիտանիայի, Կանադայի, ԱՄՆ-ի, Սաուդյան Արաբիայի, Իրանի, Հորդանանի, Վրաստանի, Ռուսաստանի Դաշնության, Ուկրաինայի, Ուզբեկստանի և մի շարք այլ պատվիրակությունների հետ: Այդ առանձնազրույցների և քննարկումների արդյունքում, մասնավորապես, տեղի ունեցավ փորձի փոխանակում և քննարկվեցին երկուստեք համագործակցության հնարավորությունները:

Իսպանիայի ԱԵՆՕՐ-ի պատվիրակության հետ հանդիպման ժամանակ քննարկվեցի 2012թ. հուլիսին Մադրիդում կնքված համաձայնագրի իրագործման մանրամասները: Պայմանավորվածություն ձեռք բերվեց, որ Ստանդարտների ազգային ինստիտուտի տնօրեն պարոն Ե.Ազարյանի հրավերով Իսպանիայի պատվիրակությունը մոտակա ժամանակներս կժամանի Հայաստան, որտեղ կուսումնասիրվեն հայկական կողմի կարիքները և կարողությունները և կմշակվի հստակ գործողությունների ծրագիր: ԱԵՆՕՐ-ը խիստ հետաքրքրված է նաև ապագայում Թվինինգ ծրագրի մասնակից լինելու և ՍԱՐՄ-ին օժանդակելու հարցում:

Վեհաժողովի ընթացքում, 2012թ. սեպտեմբերի 20-ին Ավստրիայի ստանդարտների ինստիտուտի տնօրեն, ԻՍՕ փոխնախագահ տեխնիկական կառավարման գծով տիկին Սթամփֆլ Բլահան և Հայաստանի Ստանդարտների ազգային ինստիտուտի տնօրեն պարոն Ենոք Ազարյանը կնքեցին երկու ինստիտուտների միջև համագործակցության համաձայնագիր: Ավստրիական պատվիրակության հետ քննարկումների ժամանակ պայմանավորվածություն ձեռք բերվեց, որ համաձայնագրի շրջանակներում ս.թ. նորյեմբերին ՍԱՐՄ-ի երկու ստանդարտացման ոլորտի մասնագետ կգործուղվեն Ավստրիա` վերապատրաստման նպատակով:

Հայաստանի պատվիրակությունը Ռուսաստանի, Կազախստանի և Բելառուսի պատվիրակությունների հետ համատեղ մասնակցեց Ստանդարտացման Եվրոպական Կոմիտեի (ՍԵՆ) պատվիրակության հետ հանդիպմանը: Հանդիպման ընթացքում քննարկվեցին ՍԵՆ-ի և ԱՊՀ Ստանդարտացման, Չափագիտության և Սերտիֆիկացման Միջպետական Խորհրդի միջև ստորագրված համագործակցության համաձայնագրի շրջանակներում գործողությունների հստակ ծրագրի սահմանման հնարավորությունները: Քննարկվեց Եվրոպական և ԱՊՀ տեխնիկական կանոնակարգման մոտեցումների ներդաշնակեցման խնդիրը: Հայկական պատվիրակությունը պարզաբանում խնդրեց ՍԵՆ-ի գլխավոր տնօրեն Հելենա Սանտիագոյից, թե արդյո՞ք ՍԵՆ-ի գործընկեր հանդիսացող ԱՊՀ երկրները կկարողանան մոտ ապագայում լիիրավ անդամություն ձեռք բերել ՍԵՆ-ի կազմում, ինչպես դա տեղի ունեցավ վերջերս օրինակ Մակեդոնիայի դեպքում, որը ԵՄ անդամ երկիր չի հանդիսանում: Այդ հարցին տիկին Սանտիագոն պատասխանեց, որ նման դեպք հնարավոր կլինի միայն ԵՄ հետ Ասոցիատիվ համաձայնագրի առկայության պարագայում, իսկ նման համաձայնագիր ԱՊՀ որևէ երկրի հետ ԵՄ-ն դեռևս չի կնքել:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր