Սուն թվականի հոկտեմբերի 24-ին Ստանդարտների ազգային ինստիտուտը պատիվ ունեցավ հյուրընկալել Գերմանիայի Ստանդարտների ինստիտուտի (DIN) փոխտնօրեն պարոն Ռուդիգար Մարքարդին: Պարոն Մարքարդի կարճատև այցելության նպատակն էր ծանոթանալ Հայաստանի Ստանդարտների ազգային ինստիտուտի կարողություններին, ներկայացնել ԴԻՆ-ի գործունեությունը միջազգային, Եվրոպական և ազգային ստանդարտացման գործընթացներում, ինչպես նաև քննարկել ԴԻՆ-ի և ՍԱՐՄ-ի միջև համագործակցության սերտացման հնարավորությունները:

Պարոն Մարքարդը առանձնակի հանդիպում ունեցավ ՍԱՐՄ-ի տնօրեն Ե.Ազարյանի և փոխտնօրեն Գ.Նազարյանի հետ, որի ընթացքում պայմանավորվածություն ձեռք բերվեց ակտիվացնել համագործակցությունը ստանդարտացման ոլորտում և կնքել փոխըմբռնման հուշագիր Ստանդարտների ազգային ինստիտուտի և Գերմանիայի Ստանդարտների ինստիտուտի միջև:

Ստանդարտների ազգային ինստիտուտում կազմակերպվեց քննարկում ՍԱՐՄ-ի ստանդարտացման գործընթացներում ներգրավված փորձագետների հետ, որի ժամանակ պարոն Ռուդիգար Մարքարդտը ներկայացրեց ԴԻՆ-ի կառուցվածքը, գործունեությունն ու աշխատանքները միջազգային, եվրոպական և ազգային մակարդակներում: ՍԱՐՄ-ի մասնագետները մեծ հետաքրքրություն դրսևորեցին գերմանական փորձի հանդեպ և քննարկվեցին մի շարք կարևոր խնդիրներ, որոնց ուղղությամբ ընթացակարգերը Հայաստանում դեռևս լրամշակման ու կատարելագործման կարիք ունեն: Այդ առումով, Գերմանական փորձին ծանոթանալը չափազանց օգտակար էր հայ մասնագետների համար:

Վերջում, պարոն Մարքարդը գոհունակություն հայտնեց ջերմ ընդունելության համար: Պարոն Մարքարդը և պարոն Ազարյանը պայմանավորվեցին, որ մոտակա ամիսներին կքննարկեն փոխըմբռնման հուշագրի նախագիծը: Վերջնական համաձայնեցված նախագծի ստորագրման համար հայկական պատվիրակությունը կհարվիրվի ԴԻՆ, որտեղ ձեռք կբերվեն նաև գործակցության կոնկրետ համաձայնություններ:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր