Ստանդարտնրի ազգային  ինստիտուտի պատվիրակությունը` տնօրեն Ե.Ազարյանի գլխավորությամբ 2013 թվականի սեպտեմբերի 16-17 մասնակցեց ՌԴ Սանկտ Պետերբուրգ քաղաքում տեղի ունեցած ԻՍՕ-ի Զարգացող երկրների հարցերով մշտական կոմիտեի (ԴԵՎԿՕ) 47-րդ նիստին:

Նիստը իր բնույթով աշխույժ քննարկումների ոճով էր և տեղի ունեցան մի քանի խմբային ու միջանկյալ քննարկումներ (panel and breakout sessions), որոնք նվիրված էին զարգացող երկնրներին առնչվող մի շարք կարևոր խնդիրներին:

Նիստի առաջին օրը առանձին ելույթով հանդես եկավ ԻՍՕ գլխավոր քարտուղար պարոն Ռոբ Սթիլը, որի զեկույցը նվիրված էր միջազգային ստանդարտացման գործընթացում զարգացող երկնրների դերակատարման բարձրացմանը և միջազգային ստանդարտացման աշխատանքներում զարգացող երկրներից շահագրգիռ կողմերի առավել ակտիվ մասնակցությանը: ԻՍՕ-ն ներկայումս խնդիր է դրել իր առջև աջակցել զարգացող երկրների ստանդարտացման մարմիններին այնպես, որ նրանք փոխեն իրենց ներկայիս «ստանդարտ յուրացնող» կարգավիճակը «ստանդարտ մշակողի» կարգավիճակի: Այդ խնդրի հաղթահարումը դյուրին չէ, քանի որ նախ առկա է լեզվական բարդույթը և հաճախ հնարավոր չի լինում զարգացող երկրներում գտնել անգլերեն լեզվի լավ իմացությամբ համապատասխան մասնագետի, որը կմասնակցի ԻՍՕ տեխնիկական համապատասխան հանձնաժողովի նիստերին: Երկրորդը, ֆինանսավորման հնարավորության խնդիրն է, որի մասամբ հաղթահարման նպատակով ԻՍՕ-ն պատրաստակամ է տեխնիկական օժանդակության շրջանակներում ֆինանսավորել համապատասխան զարգացող երկրներից տարեկան երկու այցելություն:

ԴԵՎԿՕ 47-րդ նիստի երկրորդ օրը տեղի ունեցան երեք զուգահեռ խմբային քննարկումներ, իսկ ավելի ուշ այդ քննարկումների արդյունքներն ամփոփվեցին ընդհանուր քննարկմամբ, ինչպես նաև կազմակերպվեց պանելային քննարկում: Խմբային քննարկումները նվիրված էին հետևյալ երեք թեմաներին`

Խումբ 1.Ինչպե՞ս կարող է ԻՍՕ ստանդարտների ռազմավարական օգտագործումը հանգեցնել որակի, նորարարության և աճի ձեռք բերմանը զարգացող երկրներում. Օրինակներ` ճանապարհային երթևեկության անվտանգություն և էներեգետիկայի կառավարում:

Խումբ 2.Ստանդարտացման ազգային մարմնի դերի բարձրացումը զարգացող երկրների որակի ենթակառացուցվածքում:

Խումբ 3.Ինչպե՞ս են զարգացող երկրների ստանդարտացման ազգային մարմինները գործակցում ազգային շահագրգիռ կողմերի հետ (այդ թվում` կառավարության, տեղական ինքնակառավարման մարմինների և այլ շահագրգիռ կողմերի հետ)` արտակարգ իրավիճակներին պատրաստական լինելու և դժբախտ պատահարների կառավարման ուղղությամբ ԻՍՕ ստանդարտների կիրառման նպատակով:

Հայկական պատվիրակությունը մասնակցեց առաջին խմբի քննարկումներին, որտեղ ներկայացվեց նաև Հայաստանի փորձը և տեղի ունեցավ փորձի ու կարծիքների փոխանակում: Ներկայացված առաջարկներն ամփոփ տեսքով ներկայացվեցին ԴԵՎԿՕ պլենար նիստում և կծառայեն հետագա առաջադրանքների մշակման համար:

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը

Ստանդարտների համաշխարհային օր