2012-06-12
ՍԵՆ 38-րդ ամենամյա վեհաժողովը, ք.Ալբենա, Բուլղարիա

Հայաստանի Ստանդարտների ազգային ինստիտուտի տնօրեն Ե.Ազարյանը 2012թ. հունիսի 6-7 Բուլղարիայի Ալբենա քաղաքում մասնակցեց Եվրոպական ստանդարտացման կոմիտեի (ՍԵՆ) 38-րդ տարեկան վեհաժողովի և Եվրոպական Ստանդարտացման Խորհրդաժողովի աշխատանքներին: Վեհաժողովը ՍԵՆ-ի գլխավոր կառավարման մարմինն է և գումարվում է տարեկան առնվազն մեկ անգամ: Այդ հեղինակավոր իրադարձությանը մասնակցելու նպատակով բազմաթիվ երկրներից ժամանել էին Եվրոպական Ստանդարտացման Կոմիտեի (ՍԵՆ) և Եվրոպական Էլեկտրատեխնիկական Ստանդարտացման Կոմիտեի (ՍԵՆԵԼԵԿ) անդամ ստանդարտացման ազգային մարմինների, ինչպես նաև այդ կազմակերպությունների գործընկեր և ասոցիատիվ կազմակերպությունների պատվիրակությունները: 

   ՍԵՆ նախագահ Ֆրիդրիխ Սմաքսվիլ

   ՍԵՆ-ՍԵՆԵԼԵԿ տնօրեն Հելենա Սանտիագո


ՍԵՆ-ը պաշտոնապես ճանաչված կազմակերպություն է, որը պատասխանատու է Եվրոպական մակարդակով ստանդարտների մշակման և ընդունման համար: ՍԵՆ-ի համագործակցության ցանցը բաղկացած է 33 անդամ երկրների ազգային ստանդարտացման կազմակերպություններից (այդ թվում` 27 Եվրամիության անդամ երկրները և Խորվատիան, Իսլանդիան, Նորվեգիան, Շվեցարիան, Թուրքիան և Մակեդոնիան), 17 գործընկեր-անդամ երկրների ազգային ստանդարտացման կազմակերպություններից (այդ թվում` Հայաստանը), Եվրոպական մակարդակով որոշակի շահեր ներկայացնող 6 ասոցիատիվ կազմակերպություններից (ANEC, ECOS, ETUI, EUCOMED, FIEC և NORMAPME) և գործակցող կազմակերպություններից (Ավստրալիա և Մոնղոլիա):

ՍԵՆ-ի ցանցում ընգրկված են ավելի քան 60000 տեխնիկական փորձագետներ, որոնք ներկայացնում են արդյունաբերության, սպառողների, ասոցիացիաների, պետական կառավարման մարմինների, ակադեմիական և հասարակական կազմակերպությունների բազմաթիվ և բազմաբնույթ շահերը:


ՍԵՆ-ի վեհաժողովի ընթացքում ներկայացվում է կազմակերպության գործունեության տարեկան հաշվետվությունը, քննարկվում են հետագա գործունեության ռազմավարությունը և զարգացման ուղղությունները: Անմիջապես վեհաժողովից հետո ՍԵՆ-ը հունիսի 7-ին կազմակերպել էր Եվրոպական Ստանդարտացման առաջին Խորհրդաժողովը` «Եվրոպա 2020` դեպի կայուն տնտեսություն» թեմայով: Խորհրդաժողովում, մասնավորապես,  ներկայացվեցին 2011թ. հունիսից առկա ձեռքբերումները և մինչև 2020թ. կայուն տնտեսությանն անցման ռազմավարությունը, ինչպես նաև քննարկվեցին Եվրոպական ստանդարտացման զարգացման ուղղությունները և դրանց նպաստը կայուն տնտեսությանն անցման գործում:

Պաշտոնական այցի շրջանակներում Հայաստանի Ստանդարտների ազգային ինստիտուտի տնօրեն Ե.Ազարյանը մի շարք հանդիպումներ ունեցավ ԻՍՕ նախագահ Բ.Ալյոշինի, ՍԵՆ նախագահ Ֆ.Սմաքսվիլի, ՍԵՆ-ՍԵՆԵԼԵԿ տնօրեն Հ.Սանտիագոյի և մի շարք երկրների պատվիրակությունների հետ, որոնց ընթացքում հնարավոր եղավ քննարկել համագործակցության հիմնախնդիրները:  

Այլ Նորություններ
2021-10-14
                 Հոկտեմբերի 14-ին նշվում է Ստանդարտների համաշխարհային օրը
2021-09-25

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը


2021-09-25

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

2021-09-25

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը


2020-10-14

Ստանդարտների համաշխարհային օր


Նորություններ
2022-03-15  Ստանդարտացման միջպետական խորհրդի 30-ամյա գործունեության առթիվ շնորհավորական ուղերձ
...
2021-12-10  ԱՊՀ Ստանդարտացման, չափագիտության և սերտիֆիկացման միջպետական խորհրդի 60-րդ նիստը անցկացվեց Երևանում
...
2021-11-25  VI-1 ձևի Սերտիֆիկատների տրամադրման վերաբերյալ դասընթաց
...
2021-11-25  ՀՀ համալսարանների համար կազմակերպվել է հեռավար, անվճար միջազգային սեմինար
...
2021-11-11  «Էներգետիկա» ստանդարտացման տեխնիկական ենթահանձնաժողովի ԵՀ 04 հերթական նիստ
...
2021-10-14  Ստանդարտների համաշխարհային օրը
                 Հոկտեմբերի 14-ին նշվում է Ստանդարտների համաշխարհային օրը...
2021-09-25  Կայացավ ՄՊԽ նախագահի և ՄՊԽ բյուրոյի պատասխանատու քարտուղարի առցանց հանդիպումը
Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյ...
2021-09-25  ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ <<ՀՀ էկոնոմիկայի նախարարություն>>, <<Ստանդարտացման և չափագ...
2021-09-25  ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ա. Բաբայանը
ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայ...
2020-10-14  Ստանդարտների համաշխարհային օր
Ստանդարտների համաշխարհային օր...