2012-07-31
Ստանդարտների ազգային ինստիտուտն (SARM) ընդլայնում է իր գործընկերների շրջանակը

Իսպանիայի Ստանդարտացման և Սերտիֆիկացման Ասոցիացիայի (ԱԵՆՕՐ) տնօրեն պարոն Ավելինո Բրիտոյի հրավերով Ստանդարտների ազգային ինստիտուտի (ՍԱՐՄ) տնօրեն Ենոք Ազարյանը 2012թ. հուլիսի 23-27 գտնվում էր Իսպանիայի Մադրիդ քաղաքում` երկու կազմակերպությունների միջև ստանդարտացման և սերտիֆիկացման ոլորտներում համագործակցության համաձայնագրի ստորագրման նպատակով:

Այցի շրջանակներում պարոն Ազարյանը ծանոթացավ ԱԵՆՈՐ-ի ստանդարտացման, սերտիֆիկացման և լաբորատոր փորձարկումների գործընթացներին ու կարողություններին: Քննարկվեցին ՍԱՐՄ-ի հետ համագործակցության եզրերը: 2012թ. հուլիսի 24-ին ՍԱՐՄ-ի և ԱԵՆՈՐ-ի տնօրենները ստորագրեցին Համագործակցության համաձայնագիր, որով Կողմերը համաձայնվում են փոխանակել`

(ա) Նորմատիվ փաստաթղթերը, պարբերական հրապարակումները և ստանդարտացման ու սերտիֆիկացման ոլորտի տեղեկատվությունը,

(բ) Ազգային ստանդարտները և Ազգային ստանդարտների Կատալոգները,

(գ) Տեխնիկական կանոնակարգերի մշակմանն առնչվող օրենսդրությունը,

(դ) Ընդհանուր տեղեկատվությունը և հրապարակումները, ստանդարտացման և սերտիֆիկացման ընթացակարգերը,

(ե) Ստանդարտացման և սերտիֆիկացման ոլորտներում ուսումնական ծրագրերին և մասնագետների որակավորման բարձրացմանն առնչվող տեղեկատվությունը և նյութերը:

Համաձայնագրով, Կողմերը նաև փոխճանաչում են միմյանց որպես սերտիֆիկացման մարմիններ, ինչի հետևանքով այսուհետ ՍԱՐՄ-ի կողմից տրված սերտիֆիկատները կճանաչվեն և կվերաթողարկվեն ԱԵՆՈՐ-ի կողմից և հակառակը: Ընդ որում, ԱԵՆՈՐ-ի սերտիֆիկատները ճանաչվում են ոչ միայն Եվրոմիության տարածքում, այլև աշխարհի մի շարք երկրներում:

Այս համաձայնագրով փաստորեն բացառիկ հնարավորություններ են ստեղծվում Հայաստանի արտադրողների համար` ստանալով ՍԱՐՄ-ի սերտիֆիկատը, վերաձևակերպել այն ԱԵՆՈՐ-ում և արտահանել արտադրանքը Եվրոմիության երկրներ:

ՍԱՐՄ-ը և ԱԵՆՈՐ-ը պայմանավորվել են նաև ստանդարտացման և սերտիֆիկացման ոլորտի մասնագետների փոխայցելությունների և համատեղ ուսումնական դասընթացների կազմակերպման վերաբերյալ:

Կողմերը կհամագործակցեն ստանդարտացման և սերտիֆիկացման ոլորտի միաջազգային կազմակերպությունների շրջանակներում` իրենց դիրքը համատեղելու և Կողմերի դերը միջազգային ասպարեզում բարձրացնելու նպատակով: Կողմերը պետք է աջակցեն միմյանց մասնակցելու և անդամակցելու այն միջազգային կազմակերպություններին, որոնց անդամակցում է կազմակերպություններից որևէ մեկը:

Համաձայնագրի ամբողջական տեսքին կարող եք ծանոթանալ այստեղ

Այլ Նորություններ
2021-10-14
                 Հոկտեմբերի 14-ին նշվում է Ստանդարտների համաշխարհային օրը
2021-09-25

Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյուրոյի պատասխանատու քարտուղարի առցանց հանդիպումը


2021-09-25

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

<<ՀՀ էկոնոմիկայի նախարարություն>>, <<Ստանդարտացման և չափագիտության ազգային մարմին>> ՓԲԸ-ի և <<Հայաստանի ազգային պոլիտեխնիկական համալսարան (հիմնադրամ)>>-ի միջև

2021-09-25

ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայանը


2020-10-14

Ստանդարտների համաշխարհային օր


Նորություններ
2022-03-15  Ստանդարտացման միջպետական խորհրդի 30-ամյա գործունեության առթիվ շնորհավորական ուղերձ
...
2021-12-10  ԱՊՀ Ստանդարտացման, չափագիտության և սերտիֆիկացման միջպետական խորհրդի 60-րդ նիստը անցկացվեց Երևանում
...
2021-11-25  VI-1 ձևի Սերտիֆիկատների տրամադրման վերաբերյալ դասընթաց
...
2021-11-25  ՀՀ համալսարանների համար կազմակերպվել է հեռավար, անվճար միջազգային սեմինար
...
2021-11-11  «Էներգետիկա» ստանդարտացման տեխնիկական ենթահանձնաժողովի ԵՀ 04 հերթական նիստ
...
2021-10-14  Ստանդարտների համաշխարհային օրը
                 Հոկտեմբերի 14-ին նշվում է Ստանդարտների համաշխարհային օրը...
2021-09-25  Կայացավ ՄՊԽ նախագահի և ՄՊԽ բյուրոյի պատասխանատու քարտուղարի առցանց հանդիպումը
Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյ...
2021-09-25  ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ <<ՀՀ էկոնոմիկայի նախարարություն>>, <<Ստանդարտացման և չափագ...
2021-09-25  ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ա. Բաբայանը
ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայ...
2020-10-14  Ստանդարտների համաշխարհային օր
Ստանդարտների համաշխարհային օր...