Փորձարկման լաբորատորիա

Ստանդարտների ազգային ինստիտուտի փորձարկման լաբորատորիան հագեցած է ժամանակակից սարքավորումներով, մասնավորապես, ճապոնական ,,Շիմաձու,, ֆիրմայի սարքերով, որոնցից են՝ ատոմային աբսորբցիոն սպեկտրոմետրը, որը ծառայում է թունավոր և այլ տարրերի, որոշման համար (մինչև 10^-9): Գազային քրոմատոգրաֆների միջոցով կատարվում է կայուն քլորօրգանական թունաքիմիկատների մնացորդային քանակների որոշում սննդամթերքում և այլ ապրանքատեսակներում, հողում, ջրում: Քրոմատոգրաֆներով որոշում են նաև սպիրտներում, օղիներում՝ սիվուխային յուղերի, եթերների և այլ բարդ միացությունների միկրոխառնուրդների քանակները` դիֆերենցված:

Փորձարկման լաբորատորիան հագեցած է բարձր էֆեկտիվության ճապոնական հեղուկային քրոմատոգրաֆով, որով մասնավորապես, որոշում են միկոտոքսինների չափաքանակները: Իոնային քրոմատոգրաֆը նախատեսված է խմելու, հանքային ջրերի և այլ ըմպելիքների իոնային կազմի որոշման համար: Քրոմ-մասսպեկտրոմետրով իրականացվում է սննդամթերքի (մասնավորապես, ալկոհոլային խմիչքների) նույնականացում:

Փորձարկման լաբորատորիան ճանաչված է Եվրոհանձնաժողովի DG VI Գինիների կոմիտեի կողմից` Եվրամիության անդամ երկրներ արտահանվող խաղողի հյութի, քաղցուի և գինիների VI-1 համապատասխանության փաստաթուղթ (սերտիֆիկատ) շնորհելու գծով:

Փորձարկման լաբորատորիան իրականացնում է շինանյութերի, բնական և արհեստական քարերի փորձարկումներ: Բնական և արհեստական քարերի համար կատարվում է տեսակարար ռադիոակտիվության որոշումը:

Փորձարկման լաբորատորիայում աշխատում են միջազգային վերապատրաստում անցած բարձրակարգ ու բանիմաց մասնագետներ, որոնցից 4-ը ունեն գիտական աստիճան: