Միջազգային համագործակցության

հիմնական խնդիրները

 

·  ստանդարտացման ազգային համակարգի ներդաշնակեցումը միջազգային, տարածաշրջանային և զարգացած պետությունների ստանդարտացման համակարգերի հետ,

·  ազգային ստանդարտների ներդաշնակեցումը միջազգային, տարածաշրջանային և այլ պետությունների ազգային ստանդարտների հետ,

·  համաշխարհային շուկայում հայրենական արտադրանքի մրցունակության բարձրացումը և արտահանման ծավալների ընդլայնումը,

·  միջազգային (տարածաշրջանային) ստանդարտների մշակման ժամանակ Հայաստանի Հանրապետության շահերի պաշտպանության ապահովումը,

·  համապատասխանության հավաստման կանոնների և ընթացակարգերի ներդաշնակեցում միջազգային պահանջների հետ,

·  Հայաստանի Հանրապետության պարտավորությունների ապահովումը Առևտրի համաշխարհային կազմակերպությունում,

·  Հայաստանի Հանրապետության արտադրողների շահերի պաշտպանում ինվեստիցիոն նախագծերի իրագործման ժամանակ,

·  ժամանակակից տեխնիկայի և բարձր տեխնոլոգիայի առաջշարժում ներքին շուկա,

·  այլ պետությունների հետ Հայաստանի Հանրապետության առևտրատնտեսական և գիտատեխնիկական նորմատիվ ապահովման բարելավում:

Ստանդարտների ազգային ինստիտուտը ներկայացնում է Հայաստանի Հանրապետությունը ISO միջազգային ստանդարտացման կազմակերպությունում լիիրավ անդամի և CEN եվրոպական ստանդարտացման կազմակերպությունում միացող անդամ կարգավիճակով:

Ստանդարտների ազգային ինստիտուտը, որպես ստանդարտացման ազգային մարմնի ստորաբաժանում, համագործակցում է ԱՊՀ մասնակից-պետությունների հետ Ստանդարտացման, չափագիտության և սերտիֆիկացման միջպետական խորհրդի աշխատանքների շրջանակներում:

Միջպետական (ԱՊՀ երկրների) ստանդարտացման համագործակցությունը իրականացվում է համաձայն ,,Ստանդարտացման, չափագիտության և սերտիֆիկացման ոլորտում համաձայնեցված քաղաքականություն վարելու մասին,, միջկառավարական համաձայնագրի (ընդունված 1992 թ. մարտի 13-ին): Ստանդարտացման և համապատասխանության հավաստման ոլորտում միջազգային համագործակցությունը իրականացվում է նաև պետությունների հետ միջկառավարական և միջգերատեսչական համաձայնագրերի հիման վրա:

Հայաստանի Հանրապետությունը կնքել է միջկառավարական համաձայնագրեր ստանդարտացման, չափագիտության և սերտիֆիկացման բնագավառում Ռուսաստանի Դաշնության, Բելառուսի, Իրանի Իսլամական Հանրապետության, Բուլղարիայի, Ղազախստանի և այլ պետությունների հետ:

Միջգերատեսչական պայմանագրեր է կնքվել Չինաստանի Ժողովրդական Հանրապետության, Իրանի Իսլամական Հանրապետության, Ֆրանսիայի և Սլովակիայի Հանրապետության, Հնդկաստանի, Ռուսաստանի Դաշնության, Բելառուսի և այլ պետությունների ստանդարտացման ազգային մարմինների հետ:

Այս համագործակցությունը աջակցում է Հայաստանի Հանրապետության    ապրանքների առաջշարժումը արտաքին շուկա:

 

Նորություններ
2022-10-14  Ստանդարտների համաշխարհային օրը
Ստանդարտացման և չափագիտության ազգային մարմինը շնորհավորում է բոլոր գործընկերներին մասնագիտական տոն...
2022-08-19  Սկսվել է ԱՊՀ երկրների 2023թ. 9-րդ մրցանակաբաշխության հայտերի ընդունման գործընթացը
Հ Ա Յ Տ Ա Ր Ա Ր ՈՒ Թ Յ ՈՒ Ն...
2022-03-15  Ստանդարտացման միջպետական խորհրդի 30-ամյա գործունեության առթիվ շնորհավորական ուղերձ
...
2021-12-10  ԱՊՀ Ստանդարտացման, չափագիտության և սերտիֆիկացման միջպետական խորհրդի 60-րդ նիստը անցկացվեց Երևանում
...
2021-11-25  VI-1 ձևի Սերտիֆիկատների տրամադրման վերաբերյալ դասընթաց
...
2021-11-25  ՀՀ համալսարանների համար կազմակերպվել է հեռավար, անվճար միջազգային սեմինար
...
2021-11-11  «Էներգետիկա» ստանդարտացման տեխնիկական ենթահանձնաժողովի ԵՀ 04 հերթական նիստ
...
2021-09-25  Կայացավ ՄՊԽ նախագահի և ՄՊԽ բյուրոյի պատասխանատու քարտուղարի առցանց հանդիպումը
Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյ...
2021-09-25  ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ <<ՀՀ էկոնոմիկայի նախարարություն>>, <<Ստանդարտացման և չափագ...
2021-09-25  ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ա. Բաբայանը
ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայ...