Հարգելի բարեկամ

   Ուրախ եմ ողջունել Ձեզ Ստանդարտների ազգային ինստիտուտի ինտերնետային կայքում։ Ստանդարտների ազգային ինստիտուտը Հայաստանի Հանրապետության Ստանդարտացման ազգային մարմինն է։ Մեր գործունեության առաքելությունն է` առաջնորդել ստանդարտացման ազգային համակարգի զարգացումը, նպաստել նորարական ազգային ստանդարտների ներդրմանը և կիրառմանը Հայաստանի Հանրապետությունում` ազգային արտադրության ու ծառայությունների որակի բարձրացման, առևտրում տեխնիկական խոչընդոտների վերացման, շրջակա միջավայրի, մարդկանց կյանքի անվտանգության պաշտպանության, կառավարման լավագույն փորձի ներդրման, սպառողների շահերի պաշտպանության և իրազեկվածության բարձրացման նպատակներով:

Ներգրավված լինելով տնտեսության և հասարակության զարգացման գրեթե բոլոր բնագավառներում Ինստիտուտը ջանում է մշակել նորագույն և նորարարական ստանդարտներ, որոնք ոչ միայն կաջակցեն ազգային տնտեսության զարգացմանը, այլև կապահովեն առաջատար ու արդյունավետ լուծումներ՝ հանրությանը հուզող մի շարք օրհասական խնդիրների ու մարտահրավերների կարգավորման համար։ Ինստիտուտի միջոցով մշակվող ստանդարտները նաև հիմք են ծառայում գիտականորեն ու համաշխարհային լավագույն փորձի վրա հիմնված պետական քաղաքականության մշակման ու կիրառման ապահովման համար։ Ստանդարտացման գործընթացի արդյունավետությունը մեծապես պայմանավորվում է դրանում շահագրգիռ (հետաքրքրված) բոլոր կողմերի ներգրավվածությամբ։ Հետևաբար, մեր կայքի շնորհիվ մենք ջանում ենք գրավել Ձեր ուշադրությունը կատարվող աշխատանքների նկատմամբ և հրավիրել ակտիվ մասնակցության՝ Ձեզ հետաքրքրող ոլորտում իրականացվող ստանդարտացման աշխատանքներին։ 

Ինստիտուտի կայքում զետեղված ազգային և միջազգային ստանդարտների կատալոգների միջոցով սպառիչ տեղեկատվություն է մատուցվում ներկայումս Հայաստանի Հանրապետությունում գործող ստանդարտների վերաբերյալ։ Յուրաքանչյուր այցելու կարող է զետեղված կատալոգներում փնտրել իրեն հետաքրքրող ոլորտում առկա ստանդարտները, ինչպես նաև ծանոթանալ դրանց համառոտ նկարագրությանը։ 

Ինստիտուտի գործունեության զգալի մասը կազմում է համապատասխանության գնահատման (ՀԳ) ծառայությունների մատուցումը, այդ թվում՝ հայտարարագրերի գրանցում, պարենային և ոչ պարենային արտադրանքների, հանրային սննդի ապահովման ծառայությունների և աշխարհահռչակ կառավարման համակարգերի սերտիֆիկացում, ինչպես նաև տարաբնույթ ապրանքների լաբորատոր փորձարկումների իրականացում։ Կայքում կարելի է ծանոթանալ այդ ծառայությունների մատուցման կարգին ու մանրամասներին։ Ինստիտուտի ՀԳ ծառայությունները նպատակուղղված են սպառողների պաշտպանությանը և շուկայում անորակ արտադրանքի ներմուծման կանխարգելմանը։ 

Հրավիրում եմ Ինստիտուտի հետ ակտիվ համագործակցության՝ թե՛ որպես գործընկեր կազմակերպություն, թե՛ որպես Ինստիտուտի կողմից մատուցվող ծառայությունների շահառու։ Պատրաստակամ ենք արձագանքել Ձեզ հուզող բոլոր խնդիրներին։


Տնօրենի պաշտոնակատար

Ալբերտ Բաբայան

Նորություններ
2022-10-14  Ստանդարտների համաշխարհային օրը
Ստանդարտացման և չափագիտության ազգային մարմինը շնորհավորում է բոլոր գործընկերներին մասնագիտական տոն...
2022-08-19  Սկսվել է ԱՊՀ երկրների 2023թ. 9-րդ մրցանակաբաշխության հայտերի ընդունման գործընթացը
Հ Ա Յ Տ Ա Ր Ա Ր ՈՒ Թ Յ ՈՒ Ն...
2022-03-15  Ստանդարտացման միջպետական խորհրդի 30-ամյա գործունեության առթիվ շնորհավորական ուղերձ
...
2021-12-10  ԱՊՀ Ստանդարտացման, չափագիտության և սերտիֆիկացման միջպետական խորհրդի 60-րդ նիստը անցկացվեց Երևանում
...
2021-11-25  VI-1 ձևի Սերտիֆիկատների տրամադրման վերաբերյալ դասընթաց
...
2021-11-25  ՀՀ համալսարանների համար կազմակերպվել է հեռավար, անվճար միջազգային սեմինար
...
2021-11-11  «Էներգետիկա» ստանդարտացման տեխնիկական ենթահանձնաժողովի ԵՀ 04 հերթական նիստ
...
2021-09-25  Կայացավ ՄՊԽ նախագահի և ՄՊԽ բյուրոյի պատասխանատու քարտուղարի առցանց հանդիպումը
Կայացավ ԱՊՀ Ստանդարտացման, չափագիտության և սերտիֆիկացման միջպետական խորհրդի (ՄՊԽ) նախագահի և ՄՊԽ բյ...
2021-09-25  ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ <<ՀՀ էկոնոմիկայի նախարարություն>>, <<Ստանդարտացման և չափագ...
2021-09-25  ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ա. Բաբայանը
ԱՊՀ Ստանդարտացման, չափագիտության և սերտիֆիկացման միջպետական խորհրդի նախագահ է ընտրվել Ալբերտ Բաբայ...