SARM-ի մասին

ՈՐԱԿԻ ՔԱՂԱՔԱԿԱՆՈՒԹՅՈՒՆ

Ստանդարտների ազգային ինստիտուտ ՓԲ ընկերության գործունեության նպատակն է իրավաբանական և ֆիզիկական անձանց կողմից արտադրվող արտադրանքին և մատուցվող ծառայություններին ներկայացվող պահանջների վերաբերյալ լիարժեք տեղեկատվության ապահովումը, մարդու կյանքի, առողջության, գույքի և շրջակա միջավայրի անվտանգության ապահովման աջակցումը:

Ընկերության հիմնական խնդիրներն են.

Ստանդարտացման բնագավառում մատուցվող ծառայությունների ուղղությամբ`

արտադրանք արտադրող և ծառայություն մատուցող կազմակերպությունների միջև փոխհամաձայնության ապահովումը ստանդարտների նախագծերի մշակման, քննարկման և ընդունման գործընթացներում, ստանդարտացման նորմատիվ փաստաթղթերի վերաբերյալ տեղեկատվության ապահովումը:

Համապատասխանության հավաստման բնագավառում մատուցվող

ծառայությունների ուղղությամբ`

մարդու կյանքի, առողջության, գույքի և շրջակա միջավայրի անվտանգության ապահովմանն աջակցումը, արտադրանքի կամ ծառայությունների նկատմամբ սպառողների վստահության ապահովումը և նրանց թյուրիմացության մեջ գցող գործոնների կանխումը, հայրենական արտադրանքի մրցունակության բարձրացմանն աջակցումը, ներքին և արտաքին շուկաներում արտադրանքի տեխնիկական խոչընդոտների վերացումը, ինչպես նաև միջազգային տնտեսական, գիտատեխնիկական համագործակցության և միջազգային առևտրին մասնակցելու համար բարենպաստ պայմանների ստեղծումը:

Ընկերության գործառույթների կայունությունն ապահովվում է`

ընկերության բոլոր ստորաբաժանումների և աշխատակիցների փոխհարաբերությունների կատարելագործմամբ և յուրաքանչյուր աշխատողի պատասխանատվության բարձրացմամբ, միջազգային գործելակերպին համապատասխան ստանդարտացման և համապատասխանության գնահատման բնագավառներում աշխատակիցների բազմակողմանի ուսուցմամբ:

Ընկերության խնդիրների իրականացման ուղղություններն են`

սպառողի պահանջմունքների և սպասելիքների ուսումնասիրումը, որակի կառավարման համակարգերի արդյունավետության շարունակական բարելավումը, ծառայությունների մատուցման ժամանակակից մեթոդների տիրապետումը, մատուցվող ծառայությունների ժամանակահատվածի օպտիմալացումը, գործընկերների հետ վստահելի փոխհարաբերությունների հաստատումը: Ընկերության բարձրաստիճան ղեկավարությունը պատասխանատվություն է կրում որակի քաղաքականության իրականացման համար և երաշխիքներ է տալիս ապահովելու տվյալ հայեցակարգի իրականացումը բոլոր մակարդակներում և դրա պահպանումն ընկերության ողջ անձնակազմի կողմից: