Հեղինակավոր"ՙԹոփ Թեն ԸՎըդ" /Top Ten Award/  կազմակերպությունը ՋիԱյՍի /GIC (Guardian Independent Certification)/ կազմակերպության հետ համատեղ 2010թ. հուլիսի 27-ին Թբիլիսիում կազմակերպել էր մրցանակաբաշխությունն և ԻՍՕ 9001:2008 ՄՍ պահանջով սեմինար, որոնց մասնակցում էր Ստանդարտների ազգային ինստիտուտի պատվիրակությունը` տնօրեն Ե. Ազարյանի գլխավորությամբ:

2010թ  մրցանակաբաշխությանը մասնակցում էին 35 երկրի ներկայացուցիչներ` Կանադա, Մեծ Բրիտանիա, ԱՄՆ, Գերմանիա, Ֆրանսիա, Իսպանիա, Իտալիա, Իրան, Հնդկաստան, Բանգլադեշ, Վրաստան, Տաջիկիստան, Ղազախստան և այլն:

"Թոփ Թեն ԸՎըդ" /Top Ten Award/-ը հիմնադրվել է բացահայտելու այնպիսի կազմակերպություններին, որոնք հանդիսանում են լավագույնը` հասարակության համար աշխատանքների կազմակերպման գործընթացում: 

Ստանդարտների ազգային ինստիտուտը միջազգային ստանդարտացման քաղաքականության մեջ զգալի հաջողությունների հասնելու, միջազգային ստանդարտացման քաղաքականության մեջ դրական ազդեցություն ունենալու, ինչպես նաև իր կողմից մատուցվող ծառայությունների որակի բարձրացման ու դրանց որակի կառավարման արդյունավետ մեթոդների ներդրմանն աջակցելու և խթանելու համար արժանացավ "Թոփ Թեն ԸՎըդ" /Top Ten Award/ մրցանակի: "Թոփ Թեն ԸՎըդ" /Top Ten Award/ մրցանակի արժանացան նաև խոշոր 5 բանկեր, ինչպես նաև տարբեր երկրների ստանդարտացման քաղաքականություն իրականացնող կազմակերպություններ:

Ստանդարտների ազգային ինստիտուտը  ԻՍՕ-ի (Ստանդարտացման միջազգային կազմակերպության) հետ տարվող աշխատանքների և միջազգային համագործակցության պայմանավորվածության  արդյունքում նախատեսել է  և 2012թ.  "Թոփ Թեն ԸՎըդ" /Top Ten Award / մրցանակաբաշխությունն անցկացնել Հայաստանում: Նման մրցանակաբաշխության անցկացումը նպատակ ունի բացահայտելու միջազգային շուկայում տեղական մրցունակ արտադրողին, ինչը խթան կհանդիսանա ապրանքների, ծառայությունների որակի բարձրացման համար:

Սեմինարում քննարկվել է ԻՍՕ 9001:2008 "ՙՈրակի կառավարման համակարգեր. Պահանջներ" ստանդարտը, դրանից բխող օգուտները, ինչպես նաև սպառողի հետադարձ կապը և այլ հարցեր:

ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգային ինստիտուտի համատեղ ջանքերով 2011թ. նոյեմբերի 22-24 Երևանում կազմակերպվեց սեմինար