Ժակ Ռեժի ԻԷԿ նախագահ	Ալան Մորիսոն ԻՍՕ նախագահ	Համադուն Տուրե ԻՏՈՒ գլխավոր  քարտուղար

Աշխարհում ապրում է սահմանափակ ունակություններով մոտ 650 միլիոն մարդ: Զարգացած երկրների բնակչության մեկ քառորդը 60 տարեկան է կամ ավելի, և մինչև 2050 թվականը զարգացող երկրների մեծ մասը կհասնի այս ցուցանիշին:

Հասանելիությունը ավելի ու ավելի մեծ խնդիր է դառնում, քանի որ տարեցներնու հաշմանդամները պահանջում են հավասար  հնարավորություն սոցիալական, քաղաքական և տնտեսական կյանքում: Ինչպես նրանց, այնպես էլ աշխատունակ մարդկանց համար տեղեկատվության և հաղորդակցության հասանելիությունը այնքան կարևոր է, որքան վերելակից օգտվելը, շենք մտնելը, անվտանգ թռիչքը կամ սարքավորումների օգտագործումը:

Սակայն հասանելիությունը միայն տարեց կամ հաշմանդամ մարդկանց խնդիրը չէ: Ցանկացած մարդ իր կյանքում կարող է ունենալ ժամանակավոր սահմանափակումներ,երբ ամենօրյա գործունեությունը կարող է դառնալ շատ բարդ: Միջազգային ստանդարտները արդյունաբերողներին և ծառայություն մատուցողներին ուղեցույց են դառնում բոլորի համար հասանելի արտադրանքի նախագծման համար:

§ Միջազգային ստանդարտներին համապատասխանող հաշմանդամի սայլակի համար նախատեսված անցուղին կարող է շատ օգտակար լինել մանկասայլակի համար:

§ Մեծ անջատիչ ունեցող սարքավորումը կարող է դառնալ հեշտ կիրառելի ձեռքիվնասածքով մարդու համար,

§ Դռան փակումը խոչընդոտող տվիչը կարող է նվազեցնել դժբախտ դեպքերը, երբ մեջքի վնասվածքը խանգարում է շարժմանը,

§ Հեռախոսի 5 համարի կոճակի վրայի փոքր կետը հեշտացնում է կոճակների գտնելը, որը հիանալի միջոց է աչքի վիրահատության առաջին օրերին:

Միջազգային ստանդարտները հեշտացնում են յուրաքանչյուրի հասանելիությունը արտադրանքին, կառույցներին և ծառայություններին: Դրանք ընդգրկում են անվտանգության, էրգոնոմիկական և ներդաշնակեցված փորձարկման մեթոդներ, որոնք ուղղված են բարձրացնելու հասանելիությունը: Ստանդարտները հիմք են ապահովումնաև նորարարական տեխնոլոգիաների տարածման համար ինչպես զարգացած, այնպես էլ զարգացող երկրներում: Դրանք խթանում են շուկայի արագ աճին և միջազգային առևտրի զարգացմանը:

Միջազգային էլեկտրատեխնիկական հանձնաժողովը (ԻԷԿ), Ստանդարտացման միջազգային կազմակերպությունը (ԻՍՕ) և Միջազգային հեռահաղորդակցության միությունը (ԻՏՈւ) կոորդինացնում են իրենց աշխատանքները և առաջարկում են ստանդարտացման համակարգ, որն օգնում է նախագծողներին, արդյունաբերողներին և քաղաքականություն մշակողներին դարձնել աշխարհն առավել անվտանգ ուհասանելի բոլորի համար, այսօր և վաղը:

ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգային ինստիտուտի համատեղ ջանքերով 2011թ. նոյեմբերի 22-24 Երևանում կազմակերպվեց սեմինար