2011թ. մայիսի 25-ից 27-ը Խորվաթիայի Զագրեբ քաղաքում տեղի ունեցավ "Ազգային ստանդարտացման մարմինների ֆինանսական կայունություն" թեմայով տարածաշրջանային սեմինար, որին Հայաստանից մասնակցեցին Ստանդարտների Ազգային Ինստիտուտի Կառավարման համակարգերի սերտիֆիկացման բաժնի պետ Սեդա Պապյանը և Տնօրենի Խորհրդական Լուսինե Պռոշիկյանը:

Սեմինարը կազմակերպվել էր Դեվկոյի (DEVCO) խորհրդով Ստանդարտացման Միջազգային Կազմակերպության (ԻՍՕ) և Խորվաթիայի Ստանդարտների ինստիտուտի կողմից: Սեմինարի նպատակն էր ԻՍՕ անդամ երկրներին ծանոթացնել Ազգային Ստանդարտացման մարմինների ֆինանսական խնդիրների մասին և օգնել ապահովելու նրանց երկարաժամկետ ֆինանսական կայունությունը, հատկապես` զարգացող երկրներում:

Սեմինարի ծրագրով նախատեսված էր նշված հարցերի շուրջ մասնակիցների ելույթներ, այդ թվում` ՀՀ Ստանդարտների Ազգային Ինստիտուտի ներկայացուցիչների կես ժամ տևողությամբ ելույթը: Կառավարման համակարգերի բաժնի պետ Սեդա Պապյանի կողմից ներկայացվեց "Ստանդարտացման ազգային մարմնի հեռանկարները'' թեմայով զեկույց, որի ընթացքում մասնակիցները ծանոթացան ՀՀ  Ստանդարտների Ազգային Ինստիտուտի ֆինանսավորման ներկա աղբյուրներին, հեռանկարներին, զարգացման ծրագրերին, ինստիտուտի ֆինանսական կայունության ապահովման համար նախատեսվող ծրագրերին և ներկայումս կատարվող աշխատանքներին:

Նշենք, որ մասակիցների կողմից ողջունվեց ՀՀ  Ստանդարտների Ազգային Ինստիտուտի ներկա փորձը, հատկապես` Ստանդարտացման և սերտիֆիկացման մարմինների համատեղ աշխատելը, որը ներկայումս համարվում է ստանդարտացման մարմինների ֆինանսական կայունության ապահովման ամենաարդյունավետ միջոցներից մեկը և մյուս երկրների ներկայացուցիչներին առաջարկեց կիրառել մեր փորձն իրենց երկրներում` լավագույն արդյունք ապահովելու համար:

Սեմինարի ընթացքում մասնակիցները բաժանվեցին աշխատանքային խմբերի և պրակտիկ օրինակի վրա ներկայացրեցին համապատասխանության գնահատման ֆինանսավորման ուղիները, հավատարմագրումը` որպես տեխնիկական իրազեկության ներկայացման միջոց, համապատասխանության գնահատման ծառայությունների ֆինանսական կայունության, ենթակառուցվածքի, ֆինանսական ծախսերի, շուկայական գնագոյացման, պետական ֆինանսավորման և այլ հարցեր:

ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգային ինստիտուտի համատեղ ջանքերով 2011թ. նոյեմբերի 22-24 Երևանում կազմակերպվեց սեմինար