ԻՍՕ Ինստիտուցիոնալ հզորացման ծրագրի շրջանակներում 2011թ. հուլիսի 6-10 իրականացվեց ՍԱՐՄ-ի գործառույթների գնահատումը: Գնահատումը կատարվեց Հայաստան ժամանած անկախ խորհրդատու Գրեհեմ Հոլլոուեյի կողմի` ԻՍՕ-ի կենտրոնական քարտուղարության կողմից սահմանված պահանջներին համապատասխան: Գնահատումը իրականացվեց ՍԱՐՄ-ի ղեկավարության և անձնակազմի հետ հարցազրույցների, հանդիպումների, առանձին ստորաբաժանումներ այցելությունների, շահագրգիռ կողմերի հետ աշխատանքային քննարկման կազմակերպման, ՀՀ էկոնոմիկայի փոխնախարար պարոն Գ.Բադալայանի հետ հանդիպման, համապատասխան փաստաթղթերի ուսումնասիրման, այդ թվում` ՍԱՐՄ-ի կողմից մինչև գնահատումը ներկայացված համալիր հաշվետվության ուսումնասիրման միջոցով:

Չնայած որ Ինստիտուցիոնալ հզորացման ծրագիրը նպատակ ունի աջակցել ընտրված ստանդարտացման մարմինների հատկապես ստանդարտների մշակման կարողությունները, այդուհանդերձ, դիտարկվեցին նաև ՍԱՐՄ-ի այլ գործառույթները` համալիր պատկերացում ձևավորելու նպատակով:

Իրականացված գնահատման արդյունքների հիման վրա, անկախ փորձագետ պարոն Հոլլոուեյը կազմեց ամփոփիչ հաշվետվություն` համապատասխան դիտարկումներով և խորհրդատվությամբ, որը ներկայացվել է ԻՍՕ-ի Կենտրոնական քարտուղարություն:

Հաշվետվության մեջ բերված նկատառումները և մեկնաբանությունները նպատակ ունեն աջակցել ՍԱՐՄ-ին զարգացնելու իր արդեն իսկ ուժեղ դիրքը և տպավորիչ գործունեությունը բազմաթիվ ոլորտներում, հաճախ բարդ պայմանների ազդեցության ներքո: Գնահատող փորձագետը վստահ է, որ ՍԱՐՄ-ը ունի արդյունավետ ղեկավարում, լավ աջակցություն իր վերադաս նախարարության կողմից և ընդհանուր առմամբ պատշաճ գործող ստանդարտացման մարմին է: Հաշվետվությունում նշված տարբեր առաջարկությունների իրականացումը կնպաստի ՍԱՐՄ-ի և նրա շահառուների հետագա հաջողություններին: Միաժամանակ, խորհրդատուն մտահոգություն է հայտնում ՍԱՐՄ-ի հետ կապված նախարարության մի քանի պլանների վերաբերյալ, հատկապես ֆինանսավորման կայունության ապահովման գծով: Նա հույս է հայտնում, որ այդ խնդիրները կգտնեն այնպիսի լուծում, որպեսզի ապահովվի ՍԱՐՄ-ի հետագա աճը և հնարավորություն ստեղծվի ավելի մեծ չափով մասնակցել միջազգային ստանդարտացման գործընթացներում:

ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգային ինստիտուտի համատեղ ջանքերով 2011թ. նոյեմբերի 22-24 Երևանում կազմակերպվեց սեմինար