Ի լրումն ռազմավարական խնդիրների քննարկմանը, ԻՍՕ-ի 34-րդ վեհաժողովին սեպտեմբերի 22-ին կազմակերպվեց “Արդյունաբերությունը և ստանդարտները” թեմայով բաց քննարկում: Թեմայի ընտրությունը պատահական չէր, քանի որ ներկայիս բիզնես աշխարհում ստանդարտները դադարել են պարզապես “տեխնիկական լուծումներ” լինելուց և ընկալվում են որպես լուրջ տնտեսական օգուտներ ապահովող գիտելիք: Բաց քննարկման ընթացքում ներկայացվեցին մի շարք երկրներում իրականացված ստանդարտացման տնտեսական օգուտների վերաբերյալ հետազոտությունների արդյունքները, որոնց համաձայն արդյունաբերության զանազան ոլորտների ընկերություններ ստանդարտների կիրառումից արձանագրել էին միլիոնավոր դոլարների օգուտներ` կարճ ետգնման ժամկետներում: Ներկայացվեց նաև Գերմանիայում իրականացված հետազոտության արդյունքները, ըստ որի ստանդարտացումը ապահովում է համախառն ազգային արդյունքի 0.72% աճ կամ բերում է տարեկան 16.77 մլրդ. Եվրո տնտեսական օգուտ:

Ստանդարտների ազգային ինստիտուտի պատվիրակության անդամները մասնակցեցին նաև ԻՍՕ-ի Զարգացող երկրների հարցերով մշտական կոմիտեի (ԴԵՎԿՕ) 45-րդ նիստին: Նիստի ընթացքում ներկայացվեց կոմիտեի կողմից հաշվետու տարում իրականացված գործունեությունը: Բացի այդ, պատվիրակության անդամները մասնակցեցին ԴԵՎԿՕ կազմակերպած “Շահագրգիռ կողմերի ներգրավումը ստանդարտացման գործընթացում” թեմայով խմբային քննարկմանը, որտեղ ներկայացվեց մի շարք զարգացող երկրների փորձը այդ ոլորտում: Քննարկման արդյունքում տեղի ունեցավ մտքերի փոխանակում և առաջարկվեցին նորագույն մեթոդներ:

Բացի նշված ռազմավարական խնդիրների քննարկումներից, որոնք կարևորվում են ոչ միայն Հայաստանի, այլև համաշխարհային առումով և օգտակար են հետագայում համապատասխան տեխնիկական ստանդարտների ու կանոնակարգերի մշակման համար, վեհաժողովը նաև օգտակար էր նոր ծանոթությունների և համագործակցության առաջարկների ձեռք բերման համար: Մասնավորապես, Հայաստանի պատվիրակությունը առանձնակի հանդիպումներ ունեցավ ԻՍՕ-ի նախագահ պրն. Բորիս Ալյոշինի, ԻՍՕ-ի գլխավոր քարտուղար պրն. Ռոբ Սթիլի, ԴԵՎԿՕ-ի գլխավոր քարտուղար պրն Բիեր Բուդուի, Ֆրանսիայի, Ավստրիայի, Իսպանիայի, Գերմանիայի, Մեծ Բրիտանիայի, Կանադայի, ԱՄՆ-ի, Սաուդյան Արաբիայի, Իրանի, Հորդանանի, Վրաստանի, Ռուսաստանի Դաշնության, Ուկրաինայի, Ուզբեկստանի և մի շարք այլ պատվիրակությունների հետ: Այդ առանձնազրույցների և քննարկումների արդյունքում, մասնավորապես, տեղի ունեցավ փորձի փոխանակում և քննարկվեցին երկուստեք համագործակցության հնարավորությունները:

Միաժամանակ, տնօրեն Ե.Ազարյանը մասնակցեց նաև սեպտեմբերի 24-ին տեղի ունեցած ԻՍՕ-ի Խորհրդի 90-րդ նիստի աշխատանքներին: Նիստի ընթացքում քննարկվեցին ռազմավարական հարցեր` ԻՍՕ-ի 2012թ. ռազմավարական պլանի իրականացման, ԻՍՕ-ի բիզնես մոդելի կայունության, ստանդարտացման նորարարական ոլորտներում (անվտանգություն, կայունություն և ջուր) աշխատանքների իրականացման և ԻՍՕ ղեկավարման վերաբերյալ:

ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգային ինստիտուտի համատեղ ջանքերով 2011թ. նոյեմբերի 22-24 Երևանում կազմակերպվեց սեմինար