Ստանդարտների ազգային ինստիտուտը նախապատրաստել է Հայաստանի ազգային ստանդարտների ներդաշնակեցման 2011-2015 թթ. ռազմավարական ծրագիր, որը նախատեսում  է տնտեսության գերակա ճյուղերի համար մշակել միջազգային և եվրոպական ստանդարտներին ներդաշնակ ազգային ստանդարտներ:

Այդ ստանդարտների կիրառումը կնպաստի Հայաստանի Հանրապետության տնտեսության տեխնոլոգիական բազայի արդիականացմանը և նորարարական ենթակառուցվածքի զարգացմանը, ինչպես նաև առևտրում տեխնիկական խոչընդոտների վերացմանը և արտահանման ծավալների խթանմանը:

Ծրագրի մշակման համար հիմք է հանդիսացել եվրոպական հարևանություն քաղաքականության ՀՀ-ԵՄ գործողությունների ծրագրի կատարումն ապահովող 2009-2011 թթ. միջոցառումների ցանկի 168 կետը և Առևտրի համաշխարհային կազմակերպության «Առևտրում տեխնիկական խոչընդոտների վերացման» համաձայնագրի պահանջները` ազգային ստանդարտների ներդաշնակեցումը միջազգային և եվրոպական ստանդարտների հետ:

Ծրագրի հիմնական նպատակն է Հայաստանի Հանրապետությունում գիտատեխնիկական և արդյունաբերության ոլորտների տեխնոլոգիական բազայի ինովացիոն զարգացման համար ստեղծել միջազգային և եվրոպական ստանդարտներին ներդաշնակ ազգային ստանդարտների արդիականացված ֆոնդ:

Գործող ազգային ստանդարտ­ների ֆոնդը ծրագրի իրականացման արդյունքում կհամապատասխանի ՀՀ տնտեսության գերակայող ճյուղերի արդի պահանջներին:

Ինչպես ընդունված է միջազգային գործելակարգում ծրագիրն իրականացվելու է ստանդարտացման տեխնիկական հանձնաժողովների միջոցով և Ստանդարտների ազգային ինստիտուտի մեթոդական ղեկավարությամբ և նախատեսվում է 660 ազգային ստանդարտի մշակում` միջազգային և եվրոպական ստանդարտներին ներդաշնակ:

Ծրագրի իրականացման արդյունքում կստեղծվեն բարենպաստ պայմաններ.

- ՀՀ տնտեսությունում նորարարական տեխնոլոգիաների ներդրման,

- հայրենական արտադրանքի մրցունակության և շահութաբերության բարձրացման,

- ոչ հիմնավորված տեխնիկական խոչընդոտների վերացման` ապահովելով ազատ առևտուր,

- բիզնեսի ծախսերի նվազեցման` համապատասխանության գնահատման համար:

Ծրագիրը ամբողջությամբ տեղադրված է կայքի «Ստանդարտացում» բաժնում:

ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգային ինստիտուտի համատեղ ջանքերով 2011թ. նոյեմբերի 22-24 Երևանում կազմակերպվեց սեմինար