www.cen.eu
  Ստանդարտացման եվրոպական կոմիտե (ՍԵՆ)
      Ստանդարտացման եվրոպական կոմիտեն ստեղծվել է 1961 թվականին Եվրոպական տնտեսական խորհրդի և Ազատ առևտրի եվրոպական ասոցիացիայի ստանդարտացման ազգային մարմինների կողմից: Ստանդարտացման եվրոպական կոմիտեն Էլեկտրատեխնիկայի ստանդարտացման եվրոպական կոմիտեի (ՍԵՆԷԼԵԿ) և Հեռահաղաղորդակցության եվրոպական ստանդարտների  ինստիտուտի (ԵՏՍԻ) հետ միասին Եվրամիության կողմից պաշտոնապես ճանաչված է որպես Եվրոպական ստանդարտացման մարմին: Ստանդարտացման եվրոպական կոմիտեի պաշտոնական լեզուներն են անգլերենը, ֆրանսերենը և գերմաներենը: 
      Ստանդարտացման եվրոպական կոմիտեն ունի 48 անդամ (մեկական անդամ յուրաքանչյուր երկրից): Կենտրոնական գրասենյակը գտնվում  է Բրյուսելում: Կազմակերպությունն ունի անդամակցության երեք կատեգորիա`Տնօրեն Ե. Ազարյան և CEN-ի նախագահ Խուան Կառլոս Լոպես Ագուի

·         լիիրավ անդամ- 30 եվրոպական երկրների ազգային ստանդարտացման կազմակերպություններն են, որոնք Ստանդարտացման եվրոպական կոմիտեի Գլխավոր վեհաժողովում և Ղեկավար բյուրոյում ունեն քվեարկության իրավունք և ապահովում են Տեխնիկական բյուրոյի աշխատանքը և սահմանում են աշխատանքային ծրագիրը: Լիիրավ անդամները պարտավոր են եվրոպական ստանդարտները ընդունել որպես ազգային ստանդարտ և չեղյալ հայտարարել դրանց հակասող ազգային ստանդարտները:

·         միացող անդամ- Ստանդարտացման միջազգային կազմակերպության (ԻՍՕ) լիիրավ կամ թղթակից անդամ հանդիսացող և Եվրամիության հարևանության երկրի ստանդարտացման մարմիններն են, որոնք չունեն քվեարկության իրավունք, սակայն կարող են մասնակցել Գլխավոր վեհաժողովին և տեխնիկական մարմինների աշխատանքներին:

·         գործընկեր անդամ- Ստանդարտացման միջազգային կազմակերպության (ԻՍՕ) անդամ հանդիսացող երկրների ստանդարտացման ազգային մարմիններն են, որոնք աշխարհաքաղաքական պատճառներով չեն կարող դառնալ Ստանդարտացման եվրոպական կոմիտեի լիիրավ անդամ:

      Ստանդարտացման եվրոպական կոմիտեն ունի անդամակցության ևս մեկ կարգ, որ կոչվում է ասոցիատիվ անդամ: Ասոցիատիվ անդամ կարող է լինել Ստանդարտացման եվրոպական կոմիտեի անդամ երկրի ցանկացած հասարակական, գիտական, տնտեսական կամ այլ կազմակերպություն, որի իրավունքներն ու պարտականություններն են`

-       նպաստել ՍԵՆ-ի և եվրոպական ստանդարտացմանը,

-       առանց քվեարկության իրավունքի մասնակցել Գլխավոր վեհաժողովին,

-       քաղաքականության մշակման ժամանակ մասնակցել Ղեկավար բյուրոյի քննարկումներին,

-       մասնակցել Տեխնիկական բյուրոյի և տեխնիկական մարմինների աշխատանքներին,

-       ստանալ համապատասխան տեղեկատվություն և փաստաթղթեր, ներառյալ ստանդարտի նախագծերը:

      Ստանդարտացման եվրոպական կոմիտեն գլխավորում է նախագահը և գլխավոր քարտուղարը: Կառավարվում է Գլխավոր վեհաժողովի կողմից, որը պատասխանատու է բյուջեի, անդամակցության և ղեկավար կազմի նշանակման համար:

Ղեկավար բյուրոն Վեհաժողովի կողմից նշանակված իրավասու մարմին է, որը նախապատրաստում է տարեկան բյուջեն և անդամակցության հայտերը: 
          Տեխնիկական բյուրոն վերահսկում է ստանդարտացման ծրագիրը և նպաստում է այդ աշխատանքների իրականացմանը Կառավարման կենտրոնի, տեխնիկական հանձնաժողովների և այլ մարմինների միջոցով:

Ղեկավար բյուրոյի խորհրդատուներ են հանդիսանում.

-          Արտաքին քաղաքականության խորհրդատվական հանձնաժողովը և

-          Ֆինանսական գործերի  խորհրդատվական հանձնաժողովը:

Եվրոպական ստանդարտները մշակվում են ՍԵՆ տեխնիկական հանձնաժողովների կողմից: Ստանդարտացման եվրոպական կոմիտեում այժմ ակտիվ գործում է 287 տեխնիկական հանձնաժողով, 68 ենթահանձնաժողով և 1401 աշխատանքային խումբ: ՍԵՆ-ի կողմից մշակված ստանդարտների թիվը ներկայումս անցնում է 13500-ից:

      Հայաստանի Հանրապետությունը Ստանդարտացման եվրոպական կոմիտեում ներկայացնում է Ստանդարտների ազգային ինստիտուտը: 2007 թվականից Հայաստանի Հանրապետությունը հանդիսանում է ՍԵՆգործընկեր, իսկ 2008 թվականից միացող անդամ: Մասնակցում է 3 տեխնիկական հանձնաժողովի աշխատանքներին`

ՍԵՆ/ՏՀ 164- Ջրամատակարարում;

ՍԵՆ/ՏՀ 234-Գազամատակարարում;

ՍԵՆ/ՏՀ 340-Սեյսմիկ սարքավորանք:

 

 

Նորություններ
2011-11-29  ԻՍՕ 14001 "Շրջակա միջավայրի կառավարման համակարգ" թեմայով ԻՍՕ-ի կողմից կազմակերպված սեմինար Երևանում
ԻՍՕ –ի "Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգայ...
2011-11-29  Շարունակություն ԻՍՕ 14001 "Շրջակա միջավայրի կառավարման համակարգ" թեմայով սեմինար
ԻՍՕ -ի" Զարգացող երկրներին աջակցության 2011-2015թթ. ծրագրի" շրջանակներում ԻՍՕ-ի և Ստանդարտների ազգայ...
2011-11-17  Սեյսմիկ անվտանգության ոլորտի ստանդարտները օգնում են պաշտպանվել երկրաշարժերից
Կովկասյան Լեռնաշղթան, այդ թվում` Հայաստանի ողջ տարածքը բարձր սեյսմիկ ռիսկի տարածաշրջան է...
2011-11-11  PTB ծրագիր՝ Հարավային Կովկասում ենթակառուցվածքի կատարելագործում
2011թ. նոյեմբերի 3-ին և 4-ին ք.Երևանի Կոնգրես հյուրանոցի դահլիճում կայացավ PTB-ի (Գերմանիայի Չափագիտ...
2011-10-14  Ստանդարտներն օգնում են ձևավորել վստահությունն աշխարհում
Համաշխարհային գիտատեխնիկական հանրությունը յուրաքանչյուր տարի հոկտեմբերի 14-ին նշում է ստանդարտացման ...
2011-09-28  Ստանդարտացման միջազգային կազմակերպության (ԻՍՕ) 34-րդ վեհաժողովը
Ստանդարտների ազգային ինստիտուտի պատվիրակությունը` տնօրեն Ե.Ազարյանի գլխավորությամբ 2011 թվականի սեպտ...
2011-09-01  Արտադրանքի և ծառայությունների որակի ապահովման բնագավառում ԱՊՀ երկրների III մրցանակաբաշխութուն
ԱՊՀ երկրներում արտադրանքի և ծառայությունների որակի բարձրացումը խթանելու նպատակով 2005թ. նոյեմբերի 25...
2011-08-25  Ստանդարտների ազգային ինստիտուտի (ՍԱՐՄ) գնահատումը ԻՍՕ ԻՀԾ շրջանակներում
ԻՍՕ Ինստիտուցիոնալ հզորացման ծրագրի շրջանակներում 2011թ. հուլիսի 6-10 իրականացվեց ՍԱՐՄ-ի գործառույթն...
2011-08-15  Ստանդարտների ազգային ինստիտուտին շնորհվեց "Թոփ Թեն Ավարդ" ոսկե մրցանակ
Ստանդարտների ազգային ինստիտուտը, "Հայասի գրուպ" և "Փ.Աբաջան" ՍՊԸ ընկերությունների հետ 2011թ. հուլիսի...
2011-08-10  Սննդամթերքի անվտանգության ոլորտում ունակությունների զարգացում
2011 թ. հուլիսի 18-ից օգոստոսի 5-ը ՀՀ Գիտությունների ազգային ակադեմիայի Էկոլոգոնոոսֆերային հետազոտու...